ഓട്ടവ : ഫെഡറൽ തിരഞ്ഞെടുപ്പിന് മുന്നോടിയായി 10 ഡോളർ നാഷണൽ ചൈൽഡ് കെയർ പ്രോഗ്രാം 2031 വരെ വിപുലീകരിക്കുമെന്ന് പ്രധാനമന്ത്രി ജസ്റ്റിൻ ട്രൂഡോ. 11 പ്രവിശ്യകളും ടെറിട്ടറികളും കുടുംബങ്ങൾക്കുള്ള ശിശു സംരക്ഷണ ഫീസ് വെട്ടിക്കുറയ്ക്കുന്നതിന് സമ്മതിച്ചതായി ജസ്റ്റിൻ ട്രൂഡോ അറിയിച്ചു. ഭാവിയിൽ ഒരു ഗവൺമെൻ്റിനും ഈ പരിപാടി തകർക്കാൻ കഴിയില്ലെന്ന് ഉറപ്പാക്കണമെന്നും ട്രൂഡോ പറയുന്നു. ട്രൂഡോയ്ക്ക് പകരമായി ലിബറലുകൾ ഞായറാഴ്ച ഒരു പുതിയ നേതാവിനെ തിരഞ്ഞെടുക്കാൻ ഒരുങ്ങുകയാണ്. അതിനുശേഷം എപ്പോൾ വേണമെങ്കിലും ഫെഡറൽ തിരഞ്ഞെടുപ്പ് പ്രഖ്യാപിക്കാം.
എട്ട് പ്രവിശ്യകളും ടെറിട്ടറികളും രക്ഷിതാക്കൾ നൽകുന്ന ഫീസ് ഒരു ദിവസം ശരാശരി 10 ഡോളറോ അതിൽ കുറവോ ആയി കുറച്ചിട്ടുണ്ട്. ബാക്കിയുള്ളവ കുറഞ്ഞത് 50 ശതമാനമെങ്കിലും ഫീസ് കുറയ്ക്കുകയും ഒരു ദിവസം 10 ഡോളറായി പ്രവർത്തിക്കുകയും ചെയ്യുമെന്നും അറിയിച്ചിട്ടുണ്ട്. 3,680 കോടി ഡോളർ ചിലവ് വരുന്ന പദ്ധതിയ്ക്കായി മൂന്ന് ശതമാനം ഫണ്ട് വർധിപ്പിക്കും.
