ഓട്ടവ : ഇന്ധന പമ്പിലുണ്ടായ തകരാർ മൂലം എഞ്ചിൻ നിലയ്ക്കാനും അപകടമുണ്ടാവാനും സാധ്യതയുള്ളതിനാൽ ഒരു ലക്ഷത്തിലധികം ഫോർഡ് വാഹനങ്ങൾ തിരിച്ചുവിളിച്ച് ട്രാൻസ്പോർട്ട് കാനഡ. 107,534 കാറുകൾ, എസ്യുവികൾ, ട്രക്കുകൾ എന്നിവയെ ഈ തിരിച്ചുവിളിക്കൽ ബാധിക്കുമെന്ന് ഏജൻസി അറിയിച്ചു. ലോ-പ്രഷർ ഫ്യുവൽ പമ്പ് തകരാറിലാകാൻ സാധ്യതയുണ്ടെന്നും ഇത് മൂലം ഡ്രൈവ് ചെയ്യുമ്പോൾ എഞ്ചിൻ പെട്ടെന്ന് നിലച്ചുപോകാൻ കാരണമായേക്കാമെന്നും റീകോൾ നോട്ടീസിൽ പറയുന്നു.

ഫോർഡ് ബ്രോങ്കോ, എക്സ്പെഡിഷൻ, എക്സ്പ്ലോറർ, എഫ്-സീരീസ് ട്രക്കുകൾ, മസ്താങ്, ലിങ്കൺ ഏവിയേറ്റർ, നാവിഗേറ്റർ തുടങ്ങി വിവിധ മോഡലുകൾ തിരിച്ചുവിളിക്കലിൽ ഉൾപ്പെടുന്നു. ബാധിക്കപ്പെട്ട വാഹന ഉടമകളെ തപാൽ വഴി അറിയിക്കുമെന്നും, റീകോളുമായി ബന്ധപ്പെട്ട എല്ലാ സർവീസുകളും സൗജന്യമായിരിക്കുമെന്നും കമ്പനി അറിയിച്ചു. വാഹനത്തിന്റെ സ്റ്റാറ്റസ് ഫോർഡ് കാനഡയുടെ വെബ്സൈറ്റിലോ ടോൾ ഫ്രീ നമ്പറിലോ വിളിച്ച് പരിശോധിക്കാവുന്നതാണ്.