റെജൈന : കനേഡിയൻ കനോലയ്‌ക്കെതിരായ താരിഫ് അവസാനിപ്പിക്കുന്നതിനുള്ള ചർച്ചകൾക്ക് ഫെഡറൽ സർക്കാരിനെ സഹായിക്കുന്നതിനായി ചൈനയിലേക്ക് സന്ദർശിക്കുമെന്ന് സസ്കാച്വാൻ പ്രീമിയർ സ്കോട്ട് മോ. ഫെഡറൽ കൃഷി മന്ത്രിയും പ്രധാനമന്ത്രിയുടെ പാർലമെന്‍ററി സെക്രട്ടറിയും കനോല വ്യവസായ പ്രമുഖരുമായും വ്യാഴാഴ്ച സാസ്കറ്റൂണിൽ കൂടിക്കാഴ്ച നടത്തുമെന്നും മോ അറിയിച്ചു. കഴിഞ്ഞ ആഴ്ച അവസാനം ചൈന കനേഡിയൻ കനോലയ്‌ക്കെതിരായ ലെവികൾ ഏകദേശം 76 ശതമാനമായി ഉയർത്തി.
യാത്രയെക്കുറിച്ച് ഫെഡറൽ സർക്കാരുമായി ചർച്ചകൾ ആരംഭിച്ചതായി മോ പറയുന്നു. വർഷങ്ങളായി സസ്കാച്വാൻ ചൈനയുടെ വ്യാപാരപങ്കാളികളാണെന്നും അതിനാൽ ചർച്ചകളിൽ ഫെഡറൽ സർക്കാരിനെ സഹായിക്കാൻ പ്രവിശ്യയ്ക്ക് സാധിക്കുമെന്നും അദ്ദേഹം വ്യക്തമാക്കി. വടക്കേ അമേരിക്കയിലെ ഏറ്റവും വലിയ കനോല ക്രഷ് പ്ലാൻ്റ് എന്ന് വിശേഷിപ്പിക്കപ്പെടുന്ന റിച്ചാർഡ്‌സൺ ഓയിൽസീഡ് ഉൾപ്പെടെ നിരവധി ധാന്യ സംസ്‌കരണ കേന്ദ്രങ്ങൾ ഉൾക്കൊള്ളുന്ന സുപ്രധാന റോഡായ ഗ്രെയിൻ മില്ലേഴ്‌സ് റോഡ് മെച്ചപ്പെടുത്തുന്നതിനുള്ള പദ്ധതികൾ പ്രഖ്യാപിക്കുന്നതിനിടെയാണ് സ്കോട്ട് മോ ഇക്കാര്യം വെളിപ്പെടുത്തിയത്.
