ആരോഗ്യത്തിനും സൗന്ദര്യത്തിനും ഒരുപോലെ സഹായിക്കുന്ന പല പച്ചിലകളുമുണ്ട്. മുഖം വരണ്ട് തിളക്കവും മിനുസവുമെല്ലാം നഷ്ടപ്പെടുന്നത് പലരേയും അലട്ടുന്ന പ്രധാനപ്പെട്ട പ്രശ്നവുമാണ്. ഇതിന് സ്വാഭാവിക വഴികള് പലതുമുണ്ട്. ഇതില് ഒന്നാണ് ആര്യവേപ്പില, ആര്യവേപ്പില കൊണ്ട് പ്രത്യേക ഫേസ് പായ്ക്കുണ്ടാക്കി പുരട്ടുന്നത് ചര്മത്തിന് തിളക്കവും മിനുസവും നല്കാന് ഏറെ സഹായകമാണ്.
ആരോഗ്യമുള്ള ചർമ്മത്തിന്
ആരോഗ്യമുള്ള ചർമ്മത്തിന് ആവശ്യമായ ഫാറ്റി ആസിഡുകൾ, വിറ്റാമിനുകൾ, ധാതുക്കൾ എന്നിവയുടെ മികച്ച ഉറവിടമാണ് ആര്യവേപ്പില . കൂടാതെ, വേപ്പിൽ നിംബിഡിൻ, നിംബോളൈഡ്, അസാഡിറാക്റ്റിൻ തുടങ്ങിയ സജീവ ഘടകങ്ങൾ ഇതിൽ അടങ്ങിയിട്ടുണ്ട്, ഇത് ചർമ്മത്തിലെ പല പ്രശ്നങ്ങളും ഇല്ലാതാക്കാൻ സഹായിക്കും. ഈ ഫേസ് പായ്ക്കില് തൈര്, റോസ് വാട്ടര്, പാല് എന്നിവയും ഉപയോഗിയ്ക്കും.
പനിനീര്
ചര്മത്തിന് ആരോഗ്യം നല്കുന്ന അരോമ തെറാപ്പിയില് പനിനീര് ഉപയോഗിക്കാറുണ്ട്. ചര്മസംരക്ഷണത്തിന് മാത്രമല്ലാ, ടെന്ഷന് അകറ്റാനും നല്ല ഉറക്കം നല്കാനും പനിനീര് ഉപയോഗിക്കാന് കാരണം. സഹായിക്കുന്നുണ്ട്. ഇതാണ് അരോമ തെറാപ്പിയില് പനിനീര് ഉപയോഗിക്കാന് കാരണം. വെയിലില് വിയര്പ്പടിഞ്ഞുണ്ടാകുന്ന മുഖക്കുരു മാറാനും പനിനീര് നല്ലതാണ്. ഇതിന് അണുബാധ തടയാനുള്ള കഴിവുമുണ്ട്. ഇതു മുഖക്കുരുവും മറ്റ് ഇന്ഫെക്ഷനുകളും ചര്മത്തിലുണ്ടാകുന്ന ചൊറിച്ചിലുമെല്ലാം മാറ്റുന്നു. വെയിലേറ്റാല് ചര്മത്തില് ചൊറിച്ചിലുണ്ടാകുന്ന പ്രശ്നം പലര്ക്കുമുണ്ട്. ഇതിനുള്ള നല്ലൊരു പരിഹാരം കൂടിയാണിത്. പനിനീര് മുഖത്തെ എണ്ണമയവും അഴുക്കും നീക്കം ചെയ്യാന് നല്ലതാണ്.
തൈര്
ഏറ്റവും സാധാരണമായ ചർമ്മസംരക്ഷണ ഘടകങ്ങളിൽ ഒന്നാണ് തൈര്. തൈരിൽ മറ്റേതൊരു പാൽ ഉൽപന്നത്തെയും പോലെ ലാക്റ്റിക് ആസിഡ് അടങ്ങിയിട്ടുണ്ട്, ഇത് ചർമ്മത്തിലെ നിർജ്ജീവ കോശങ്ങളെ പുറംതള്ളാനും ചർമ്മത്തെ മിനുസമാർന്നതാക്കാനും സഹായിക്കും. തൈരിലെ അവശ്യ കൊഴുപ്പുകൾ, പ്രോട്ടീൻ, വിറ്റാമിനുകൾ, ധാതുക്കൾ എന്നിവ ചർമ്മത്തെ പോഷിപ്പിക്കാനും ആരോഗ്യകരമായി നിലനിർത്താനും സഹായിക്കുന്നു. തൈര് ചർമ്മത്തിന്റെ ഇലാസ്തികത നിലനിർത്തുന്നതിലൂടെയും തെളിച്ചം മെച്ചപ്പെടുത്തുന്നതിലൂടെയും ചർമ്മപ്രശ്നങ്ങൾ ഒഴിവാക്കുന്നു.
പാല്
മുഖത്ത് ഏറ്റവും എളുപ്പത്തില് ചെയ്യാവുന്ന സൗന്ദര്യ സംരക്ഷണ വഴിയാണ് പാല് മുഖത്തു പുരട്ടുകയെന്നത്. തിളപ്പിയ്ക്കാത്ത നല്ല ശുദ്ധമായ പാലാണ് ഏറെ നല്ലത്. ചര്മത്തിന്റെ ഒരു പിടി പ്രശ്നങ്ങള്ക്കു പരിഹാരം കാണാന് സഹായിക്കുന്ന ഒന്നാണിത്. ചര്മത്തിന് ഈര്പ്പം നല്കുന്ന പാല് സ്വഭാവം ചര്ത്തിലെ ചുളിവുകളും വരണ്ട ചര്മവുമെല്ലാം നീക്കാന് ഏറെ നല്ലതാണ്. വരണ്ട സ്വഭാവമാണ് ഒരു പരിധി വരെ ചര്മത്തിന് ഇത്തരം പ്രശ്നങ്ങള് വരുത്തുന്നതും പ്രായക്കൂടുതല് നല്കുന്നതും. ഇതിനുളള നല്ലൊരു പരിഹാരമാണ് പാല് മുഖത്തു പുരട്ടുന്നത്. ഇതിനായി ആര്യവേപ്പില അരച്ചതോ ആര്യവേപ്പില പൊടിയോ ഉപയോഗിയ്ക്കാം. ആര്യവേപ്പിലയില് തൈരും മറ്റുള്ള ചേരുവകളും ചേര്ത്തിളക്കുക. ഇത് മുഖത്തു പുരട്ടാം. മുഖത്തിന് തിളക്കവും മിനുസവും നല്കാന് ഇതേറെ ഗുണകരമാണ്.