നാഗ ചൈതന്യ നായകനാകുന്ന ചിത്രം ‘താങ്ക്യു’വിലെ പുതിയ ഗാനം പുറത്തിറങ്ങി. വിക്രം കെ കുമാർ സംവിധാനം ചെയ്യുന്ന ചിത്രത്തിൽ മാളവിക നായരും റാഷി ഖന്നയുമാണ് നായികമാർ. കോളേജ് വിദ്യാർത്ഥികൾ പങ്കെടുത്ത ഒരു ലൈവ് ഇവൻ്റിൽ ആയിരുന്നു ഗാനത്തിൻ്റെ റിലീസ്.കോളേജ് ഫെയർവെൽ പശ്ചാത്തലമാക്കിയുള്ളതാണ് പുതിയ ഗാനം. എസ് തമൻ സംഗീത സംവിധാനം നിർവ്വഹിച്ചിരിക്കുന്ന പാട്ടിന് വരികൾ ഒരുക്കിയിരിക്കുന്നത് ചന്ദ്രബോസ് ആണ്. അര്‍മാൻ മാലിക് ഗാനം ആലപിച്ചിരിക്കുന്നു.
മഹേഷ് ബാബുവിന്റെ ആരാധകനായ ഹോക്കി താരമാണ് ചിത്രത്തിൽ നാഗ ചൈതന്യയുടെ കഥാപാത്രം. ശ്രീ വെങ്കടേശ്വര ക്രിയേഷൻസിന്റെ ബാനറിൽ വെങ്കട് ഡി പതി, മിഥുൻ ചൈതന്യ എന്നിവരാണ് ചിത്രം നിര്‍മ്മിക്കുന്നത്. നാഗ ചൈതന്യ, റാഷി ഖന്ന, മാളവിക നായര്‍ എന്നിവർക്ക് പുറമെ അവിക ഗോര്‍, സായ് സുശാന്ത് റെഡ്ഡി, പ്രകാശ് രാജ് തുടങ്ങിയവരും ചിത്രത്തില്‍ അഭിനിയിക്കുന്നു. ഒരു റൊമാന്റിക് കോമഡി എൻ്റർടെയ്നർ ആകും ചിത്രം. പി സി ശ്രീറാം ആണ് താങ്ക്യൂവിൻ്റെ ഛായാഗ്രാഹകൻ. സംവിധായകൻ വിക്രം കുമാറിന്റെത് തന്നെയാണ് തിരക്കഥ. എഡിറ്റർ നവീൻ നൂലി. ജൂലൈ 8ന് ചിത്രം തിയേറ്ററുകളിൽ എത്തും.