ടൊറന്റോ : കാനഡ ദിനത്തിൽ വുഡ്ബൈൻ പാർക്കിൽ നടന്ന ഒരു സംഗീത പരിപാടിയിൽ കണ്ടുമുട്ടിയ സ്ത്രീയെ ലൈംഗികമായി പീഡിപ്പിച്ചയാളെ പോലീസ് തിരയുന്നു. പ്രതിയെന്നു സംശയിക്കുന്ന 29 കാരനായ ടൈലർ ബട്ലറുടെ ഫോട്ടോ ടൊറന്റോ പോലീസ് പുറത്തുവിട്ടു.
ലേക്ക് ഷോർ ബൊളിവാർഡ് ഈസ്റ്റ്, കോക്സ്വെൽ അവന്യൂ എന്നീ പ്രദേശങ്ങളിൽ വെള്ളിയാഴ്ച ഒരു സംഗീത പരിപാടിക്ക് പോയ സ്ത്രീ അവിടെ വെച്ച് ബട്ലർ കണ്ടുമുട്ടിയതായി പോലീസ് പറഞ്ഞു. തുടർന്ന് ഇയാൾ യുവതിയുമായി സൗഹൃദത്തിലാവുകയും അടുത്തുള്ള പാർക്കിലേക്ക് കൊണ്ടുപോവുകയും അവിടെ വെച്ച് ലൈംഗികമായി പീഡിപ്പിക്കുകയായിരുന്നുവെന്ന് പോലീസ് പറഞ്ഞു.
ലൈംഗികാതിക്രമം, നിർബന്ധിത തടവ്, ശ്വാസംമുട്ടിച്ച് ചെറുത്തുനിൽപ്പിനെ മറികടക്കൽ എന്നീ വകുപ്പുകളാണ് ടൈലർ ബട്ലർക്കെതിരെ ചുമത്തിയിരിക്കുന്നത്.
എന്തെങ്കിലും വിവരം ലഭിക്കുന്നവർ 416-808-7474 എന്ന നമ്പറിലോ ക്രൈം സ്റ്റോപ്പേഴ്സ് അജ്ഞാതമായി 416-222-TIPS (8477) എന്ന നമ്പറിലോ ബന്ധപ്പെടാൻ പോലീസ് ആവശ്യപ്പെട്ടു.