റഷ്യൻ അധിനിവേശത്തിൽ തകർന്ന യുക്രെയ്നിലെ ഊർജ്ജപ്രതിസന്ധിക്ക് പരിഹാരമായി ഫെഡറൽ ഗവൺമെന്റ് ഏഴ് ഇലക്ട്രിക്കൽ ട്രാൻസ്ഫോർമറുകൾ നൽകുമെന്ന് കനേഡിയൻ വിദേശകാര്യ മന്ത്രി മെലാനി ജോളി പ്രഖ്യാപിച്ചു.
യൂറോപ്യൻ യൂണിയന്റെ സിവിൽ പ്രൊട്ടക്ഷൻ മെക്കാനിസം വഴിയാണ് ട്രാൻസ്ഫോർമറുകൾ വിതരണം ചെയ്യുന്നതെന്നും മെലാനി ജോളി അറിയിച്ചു. യുക്രെയിനിലെ ഖനന പ്രവർത്തനങ്ങളെ സഹായിക്കുന്നതിനും പുനർനിർമ്മാണങ്ങൾക്കുമായി മറ്റൊരു 3 മില്യൺ ഡോളർ നൽകുമെന്നും മെലാനി ജോളി പറഞ്ഞു. ഉക്രെയ്നിലെ ഖനി പ്രവർത്തനത്തെ സഹായിക്കാൻ ഇതിനകം 32 മില്യൺ ഡോളർ കാനഡ നൽകിയിട്ടുണ്ട്.
റഷ്യയുടെ അധിനിവേശത്തിനെതിരെ ഉക്രേനിയക്കാർ പോരാടുന്നത് തുടരുമ്പോൾ, ഉക്രെയ്നിനും അവിടുത്തെ ജനങ്ങൾക്കുമുള്ള പിന്തുണ തുടരുമെന്നും ജനാധിപത്യത്തെയും പരമാധികാരത്തെയും മനുഷ്യാവകാശങ്ങളെയും രാജ്യം എപ്പോഴും പിന്തുണയ്ക്കുമെന്നും മെലാനി ജോളി പറഞ്ഞു.