ഒട്ടാവ : ഒന്റാരിയോ, ബ്രിട്ടീഷ് കൊളംബിയ, പ്രിൻസ് എഡ്വേർഡ് ഐലൻഡ് എന്നീ പ്രവിശ്യകൾ പിഎൻപിയിലെ ഉദ്യോഗാർത്ഥികൾക്ക് ഇൻവിറ്റേഷൻ നൽകി.
വിദഗ്ധ തൊഴിലാളികൾക്ക് കാനഡയിലേക്ക് കുടിയേറുന്നതിനുള്ള ഒരു സുപ്രധാന മാർഗ്ഗമാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ). കാനഡയിലെ ഓരോ പ്രവിശ്യയ്ക്കും അവരുവരുടേതായ പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ) ഉണ്ട്. ഇവയിലൂടെ അർഹരായ സ്കിൽഡ് വർക്കേഴ്സിനെയും ബിസിനസ്സുകാരെയും കാനഡയിൽ സ്ഥിരതാമസത്തിനായി ഓരോ പ്രവിശ്യകളും ശുപാർശ ചെയ്യുന്നു. ഓരോ പ്രവിശ്യയുടെയും ജനസംഖ്യ, തൊഴിൽമേഖലയിലെ ആവിശ്യങ്ങൾ എന്നിവ മുൻനിർത്തിയാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ പ്രവർത്തിക്കുന്നത്.
പ്രൊവിൻഷ്യൽ നോമിനേഷൻ ലഭിക്കുന്ന എക്സ്പ്രസ്സ് എൻട്രി അപേക്ഷകർക്ക് 600 കോംപ്രിഹെൻസീവ് റാങ്കിംഗ് സിസ്റ്റം സ്കോർ (CRS) പോയിന്റുകൾ അധികമായി ലഭിക്കും. തുടർന്ന് വരുന്ന എക്സ്പ്രസ്സ് എൻട്രി നറുക്കെടുപ്പിൽ ഈ ഉദ്യോഗാർത്ഥികൾക്ക് കാനഡയിൽ സ്ഥിരതാമസത്തിന് അപേക്ഷിക്കുന്നതിനുള്ള ഇൻവിറ്റേഷൻ ലഭിക്കുന്നതിന് സഹായകമാകും. അതിനാൽ എക്സ്പ്രസ്സ് എൻട്രി സ്കോർ കുറവുള്ളവർക്കും എളുപ്പത്തിൽ കാനഡയിൽ സ്ഥിരതാമസമാക്കുന്നതിനുള്ള ഒരു മാർഗ്ഗമാണ് പ്രൊവിൻഷ്യൽ നോമിനി പ്രോഗ്രം. എക്സ്പ്രസ്സ് എൻട്രി പ്രൊഫൈൽ ഇല്ലാത്തവർക്കും പ്രൊവിൻഷ്യൽ നോമിനി പ്രോഗ്രാം വഴി കാനഡയിൽ സ്ഥിരതാമസത്തിന് അപേക്ഷിക്കാം.
പ്രവിശ്യാ ഇമിഗ്രേഷൻ റിസൾട്ട് മാർച്ച് 11-17
ഒന്റാരിയോ
രാജ്യത്തെ ഏറ്റവും ജനസാന്ദ്രതയുള്ള പ്രവിശ്യയായ ഒന്റാരിയോ, മാർച്ച് 14-ന് ഒന്റാറിയോ ഇമിഗ്രന്റ് നോമിനി പ്രോഗ്രാമിന്റെ (OINP) ഇന്റർനാഷണൽ സ്റ്റുഡന്റ് സ്ട്രീമിന് കീഴിൽ രണ്ട് നറുക്കെടുപ്പുകൾ നടത്തി. ഏറ്റവും കുറഞ്ഞ സ്കോർ 70-ഉം അതിനുമുകളിലും ഉള്ള ഹെൽത്ത്‌കെയർ, ടെക് തൊഴിലുകളിൽ ടാർഗെറ്റുചെയ്‌ത 606 ഉദ്യോഗാർത്ഥികൾക്ക് ആദ്യം ഇൻവിറ്റേഷൻ നൽകി.
ഈ സ്ട്രീമിന് കീഴിലുള്ള രണ്ടാമത്തെ നറുക്കെടുപ്പ് സ്കിൽഡ് ട്രേഡ് തൊഴിലുകളിലെ ഉദ്യോഗാർത്ഥികൾക്കുള്ളതായിരുന്നു. രണ്ടാമത്തെ നറുക്കെടുപ്പിലൂടെ 74-ഉം അതിനുമുകളിലും സ്കോർ ഉള്ള 300 ഉദ്യോഗാർത്ഥികൾക്കും പ്രവിശ്യ ഇൻവിറ്റേഷൻ നൽകിയിട്ടുണ്ട്.
എക്സ്പ്രസ് എൻട്രി ഫ്രഞ്ച്-സ്പീക്കിംഗ് സ്കിൽഡ് വർക്കേഴ്സ് സ്ട്രീമിലെ ഉദ്യോഗാർത്ഥികൾക്കായി മാർച്ച് 16 ന് രണ്ട് ടാർഗെറ്റഡ് നറുക്കെടുപ്പുകളും പ്രവിശ്യ നടത്തി. CRS സ്കോർ റേഞ്ച് 294-489 ഉള്ള, ഫിനാൻസ്, ഹെൽത്ത്, എഡ്യുക്കേഷൻ എന്നീ മേഖലകളിൽ നിന്നുള്ള 271 ഉദ്യോഗാർത്ഥികൾക്ക് ആദ്യ നറുക്കെടുപ്പിൽ ഇൻവിറ്റേഷൻ ലഭിച്ചു. തുടർന്ന് ടെക്, സ്കിൽഡ് ട്രേഡുകളിൽ 344 പേരെയും ഒന്റാരിയോ ഇൻവിറ്റേഷൻ നൽകി. രണ്ടാമത് നടന്ന ഈ നറുക്കെടുപ്പിൽ പങ്കെടുത്ത ഉദ്യോഗാർത്ഥികൾക്ക് 400-489 എന്ന റേഞ്ചിൽ CRS ആവശ്യമായിരുന്നു.
ബ്രിട്ടീഷ് കൊളംബിയ
മാർച്ച് 14-ന് നടന്ന പ്രതിവാര ബിസി പിഎൻപി നറുക്കെടുപ്പിൽ ബ്രിട്ടീഷ് കൊളംബിയ 230-ലധികം ഉദ്യോഗാർത്ഥികൾക്ക് ഇൻവിറ്റേഷൻ നൽകി.
ഇന്റർനാഷണൽ സ്കിൽഡ് വർക്കർ, ഇന്റർനാഷണൽ ഗ്രാജുവേറ്റ് സ്ട്രീമുകളിൽ (എക്സ്പ്രസ് എൻട്രി കാൻഡിഡേറ്റുകൾ ഉൾപ്പെടെ) 197 ഉദ്യോഗാർത്ഥികൾക്കാണ് ഇൻവിറ്റേഷൻ ലഭിച്ചത്. ഇൻവിറ്റേഷൻ ലഭിച്ച ഉദ്യോഗാർത്ഥികൾക്ക് കുറഞ്ഞത് SIRS സ്കോർ 83 ആവശ്യമായിരുന്നു.
പ്രവിശ്യയിൽ താഴെ കൊടുത്തിരിക്കുന്ന ഉദ്യോഗാർത്ഥികൾക്കുള്ള ഇൻവിറ്റേഷൻ നടത്തി :
- 60 പോയിന്റുകളുള്ള 23 ചൈൽഡ്ഹുഡ് എഡ്യൂക്കേറ്റഴ്സ് ആൻഡ് അസിസ്റ്റൻസ് (NOC 4214)
- എക്സ്പ്രസ് എൻട്രി വിഭാഗത്തിൽ ഉൾപ്പെടുന്ന സ്കിൽഡ് വർക്കർ ആൻഡ് ഇന്റർനാഷണൽ ഗ്രാജ്വേറ്റ് എന്നിവരിൽ നിന്നുള്ള 10 ഹെൽത്ത് വർക്കേഴ്സ്.
- കുറഞ്ഞത് 60 സ്‌കോറുകളുള്ള മറ്റ് മുൻഗണനാ ജോലികൾ.
പ്രിൻസ് എഡ്വേർഡ് ഐലൻഡ്
ലേബർ, എക്സ്പ്രസ് എൻട്രി സ്ട്രീമിൽ നിന്നുള്ള 138 പേർ അടക്കം 144 ഉദ്യോഗാർത്ഥികൾക്ക് പ്രിൻസ് എഡ്വേർഡ് ഐലൻഡ് ഇൻവിറ്റേഷൻ നൽകി. കൂടാതെ, കുറഞ്ഞ ത്രെഷോൾഡ് പോയിന്റ് 52 ഉള്ള ബിസിനസ് വർക്ക് പെർമിറ്റ് എന്റർപ്രണർ വിഭാഗത്തിലെ ആറ് ഉദ്യോഗാർത്ഥികൾക്കും ഇൻവിറ്റേഷൻ നൽകിയിട്ടുണ്ട്.
സാധാരണയായി മാസത്തിലൊരിക്കലാണ് പ്രിൻസ് എഡ്വേർഡ് ഐലൻഡ് PNP നറുക്കെടുപ്പ് നടത്തുന്നത്.
