ടൊറന്റോ : ആൽബർട്ടയിൽ പടർന്നു പിടിച്ച കാട്ടുതീ, മന്ദഗതിയിലുള്ള സമ്പദ്‌വ്യവസ്ഥ, വിതരണത്തിലെ സമ്മർദ്ദം എന്നിവ ഉൾപ്പെടെയുള്ള ഘടകങ്ങൾ ഗ്യാസ് വിലയിൽ സ്വാധീനം ചെലുത്തുമെന്ന് എസ്‌ഐ‌എ വെൽത്ത് മാനേജ്‌മെന്റിലെ ചീഫ് മാർക്കറ്റ് സ്ട്രാറ്റജിസ്റ്റ് കോളിൻ സിസിൻസ്‌കി.
ഈ വാരാന്ത്യമാണ് രാജ്യത്തെ വേനൽക്കാല ഡ്രൈവിംഗ് സീസണിന്റെ കിക്കോഫ്,” അദ്ദേഹം പറഞ്ഞു. ആളുകൾ കൂടുതൽ റോഡ് ട്രിപ്പുകൾ നടത്തുകയും അവരുടെ മോട്ടോർ സൈക്കിളുകളും സ്‌പോർട്‌സ് കാർട്ടുകളും ഹൈബർനേഷനിൽ നിന്ന് പുറത്തെടുക്കുകയും ചെയ്യുന്നതിനാൽ ഈ കാലയളവ് സാധാരണയായി ഗ്യാസിന്റെ ഉയർന്ന ഡിമാൻഡിന് കാരണമാകുമെന്നും കോളിൻ സിസിൻസ്‌കി കൂട്ടിച്ചേർത്തു.
“വാരാന്ത്യങ്ങളിലും പ്രത്യേകിച്ച് നീണ്ട വാരാന്ത്യങ്ങളിലും ഗ്യാസ് വില കൂടുകയും കുറയുകയും ചെയ്യുന്നത് അസാധാരണമല്ല,” അദ്ദേഹം വിശദീകരിച്ചു. എന്നാൽ, അസംസ്‌കൃത എണ്ണയുടെ വില കുറച്ചുകാലമായി മാറിമറിഞ്ഞു കൊണ്ടിരിക്കുകയാണ്. ഉയർന്ന പലിശനിരക്കിന്റെ പശ്ചാത്തലത്തിൽ സമ്പദ്‌വ്യവസ്ഥ തടസ്സപ്പെടുമ്പോൾ ഡിമാൻഡിനെക്കുറിച്ചുള്ള ആശങ്ക വീണ്ടും ഉയരുന്നതായി സിസ്‌സിൻസ്‌കി പറഞ്ഞു.
രാജ്യത്ത് വിതരണം കുറയുകയും ഡിമാൻഡ് കൂടുകയും ഉയരുകയും ചെയ്യുന്ന ഒരു സാഹചര്യം നിലനിൽക്കുന്നതായി എൻ-പ്രോ ഇന്റർനാഷണലിലെ ചീഫ് പെട്രോളിയം അനലിസ്റ്റ് റോജർ മക്നൈറ്റ് പറയുന്നു. അതിനർത്ഥം അടുത്ത രണ്ട് മാസത്തേക്ക് വില ഉയരും. ഒരുപക്ഷെ 80 യുഎസ് ഡോളർ ഉയരുമെന്ന് അദ്ദേഹം പറഞ്ഞു.