ഓട്ടവ : സമ്പദ്‌വ്യവസ്ഥ 18,000 തൊഴിലവസരങ്ങൾ കൂട്ടിച്ചേർത്തതിനാൽ കാനഡയിലെ തൊഴിലില്ലായ്മ നിരക്ക് ഒക്ടോബറിൽ 5.7 ശതമാനമായി ഉയർന്നതായി സ്റ്റാറ്റിസ്റ്റിക്സ് കാനഡ. ഇതോടെ കഴിഞ്ഞ ആറ് മാസത്തിനിടെ നാലാം തവണയാണ് തൊഴിലില്ലായ്മ നിരക്ക് ഉയർന്നത്. സെപ്റ്റംബറിൽ തൊഴിലില്ലായ്മ നിരക്ക് 5.5 ശതമാനമായിരുന്നു.
നിർമ്മാണ-വിവര സാങ്കേതിക വിദ്യ, വിനോദം എന്നീ മേഖലകളിൽ തൊഴിൽ വർധന ഉണ്ടായി. എന്നാൽ മൊത്തവ്യാപാരത്തിലും ചില്ലറവ്യാപാരത്തിലും ഉൽപ്പാദനത്തിലും ഉണ്ടായ ഇടിവ് ഈ വർധനയെ നികത്തിയതായി ഫെഡറൽ ഏജൻസി റിപ്പോർട്ട് ചെയ്തു. സെപ്റ്റംബറിനെ അപേക്ഷിച്ച് കഴിഞ്ഞ മാസം വേതന വളർച്ചയുടെ വേഗത കുറഞ്ഞു, ശരാശരി മണിക്കൂർ വേതനം ഒരു വർഷം മുമ്പുള്ളതിനേക്കാൾ 4.8 ശതമാനം ഉയർന്നതായും സ്റ്റാറ്റിസ്റ്റിക്സ് കാനഡ പറയുന്നു.
സമ്പദ്‌വ്യവസ്ഥ കഴിഞ്ഞ മാസം 15,000 തൊഴിലവസരങ്ങൾ കൂട്ടിച്ചേർത്തെന്നും തൊഴിലില്ലായ്മ നിരക്ക് 5.6 ശതമാനമായി ഉയർന്നെന്നും പ്രതീക്ഷിക്കുന്നതായി ആർബിസി റിപ്പോർട്ട് ചെയ്തിരുന്നു.
