വിക്ടോറിയ : പാറ വീണതിനെ തുടർന്ന് അടച്ച തെക്കൻ ബ്രിട്ടിഷ് കൊളംബിയയിലെ പ്രധാന ഹൈവേ ഭാഗികമായി വീണ്ടും തുറന്നു. ഞായറാഴ്‌ച കെറെമിയോസിന് സമീപം പാറ ഇടിഞ്ഞ് വീണതിനെ തുടർന്ന് അടച്ച ഹൈവേ 3 ആണ് ഭാഗികമായി വീണ്ടും തുറന്നത്.
കെറെമിയോസിനും ഹെഡ്‌ലിക്കും ഇടയിലുള്ള ഹൈവേ 3 ചൊവ്വാഴ്ച ഉച്ചകഴിഞ്ഞ് ഓരോ ദിശയിലും ഒറ്റവരി ഗതാഗതത്തിനായി തുറന്നിട്ടുണ്ടെന്ന് ഡ്രൈവ്ബിസി പറഞ്ഞു. ജിയോ ടെക്‌നിക്കൽ സർവേ നടത്തിയതിന് ശേഷമാണ് ഹൈവേ വീണ്ടും തുറക്കുന്നത്.
ഹൈവേയിൽ പാറകൾ തകർന്നതിന് തൊട്ടുപിന്നാലെ പ്രഖ്യാപിച്ച പ്രാദേശിക അടിയന്തരാവസ്ഥ പിൻവലിച്ചതായി ഒകനാഗൻ-സിമിൽകാമീൻ റീജിയണൽ ഡിസ്ട്രിക്റ്റ് അറിയിച്ചു. ഇതോടൊപ്പം ഹൈവേ 3 നും സിമിൽകമീൻ റിവറിനും സമീപമുള്ള ആർവി പാർക്ക് ഉൾപ്പെടെയുള്ള സ്ഥലങ്ങളിലെ ഒഴിപ്പിക്കൽ ഉത്തരവും പിൻവലിച്ചിട്ടുണ്ട്. ഗ്രാമീണ മേഖലയിലെ 114 ഉപഭോക്താക്കൾക്ക് വൈദ്യുതി പുനഃസ്ഥാപിച്ചതായി മേഖലയിൽ വൈദ്യുതി നൽകുന്ന ഫോർട്ടിസ്ബിസി പറയുന്നു.
