കൊല്ലം: നവകേരള സദസ്സിന് മുന്നോടിയായി കൊല്ലത്ത് കശുവണ്ടി പരിപ്പ് ഉപയോഗിച്ച് മുഖ്യമന്ത്രി പിണറായി വിജയന്റെ രൂപം തീർത്ത് കലാകാരൻ. ഡാവിഞ്ചി സുരേഷ് എന്ന കലാകാരനാണ് രണ്ട് ലക്ഷത്തോളം രൂപ വിലമതിക്കുന്ന കശുവണ്ടി പരിപ്പ് 30 അടി വിസ്തീർണത്തിൽ മുഖ്യമന്ത്രിയുടെ രൂപം തീർത്തത്.
![](http://mcnews.ca/wp-content/uploads/2023/10/Exp-Reality-1024x536.jpg)
കൊല്ലം ബീച്ചിലാണ് ഈ കലാരൂപം തീർത്തിരിക്കുന്നത്. കശുവണ്ടി വികസന കോർപറേഷൻ, കാപക്സ്, കേരള കാഷ്യുബോർഡ്, കെ സി ഡബ്ല്യു ആർ ആന്റ് ഡബ്ള്യു എഫ് ബി, കെ എസ് സി എ സി സി എന്നിവ സംയുക്തമായാണ് കലാരൂപത്തിന്റെ സംഘാടനം. കലാകാരൻ ഡാവിഞ്ചി സുരേഷ്, എം മുകേഷ് എംഎൽഎ ഉദ്ഘാടനം നിർവഹിച്ചു. കശുവണ്ടി വികസന കോർപ്പറേഷൻ ചെയർമാൻ എസ് ജയമോഹൻ, കെഎസ്എഫ്ഇ ചെയർമാൻ കെ വരദരാജൻ, ജില്ലാ ഇൻഫർമേഷൻ ഓഫീസർ പി ആർ സാബു, സാമൂഹിക- സാംസ്കാരിക പ്രവർത്തകർ തുടങ്ങിയവർ പങ്കെടുത്തു.