ഇന്ത്യമഹാസമുദ്രത്തില് ചരക്കുകപ്പലിന് നേരെ ഡ്രോണാക്രമണം നടന്നതായി റിപ്പോര്ട്ട്.ആക്രമണത്തില് കപ്പലിന് കേടുപാടുകള് സംഭവിച്ചെങ്കിലും ആളപായമില്ലെന്നാണ് വിവരം.ഇസ്രായേലുമായി ബന്ധമുള്ള കപ്പിലിനുനേരേയാണ് ആക്രമണമെന്നാണ് പ്രാഥമിക വിവരം.ഇന്ത്യയിലെ വരാവല് തീരത്തുനിന്ന് 200 നോട്ടിക്കല് മൈല് തെക്കുപടിഞ്ഞാറ് മാറിയാണ് ആക്രമണമുണ്ടായത്.
ഇന്ത്യന് തീരത്തുണ്ടായ ആക്രമണത്തില് കപ്പലില് തീപ്പിടത്തമുണ്ടായെന്ന് യു.കെ.മാരിടൈം ട്രേഡ് ഓപ്പറേഷന്സ് അറിയിച്ചു.ലൈബീരിയയുടെ പതാകയുള്ള ,ഇസ്രായേല് അംഗീകാരമുള്ള പ്രൊഡക്ട്സ് ടാങ്കറാണ് ആക്രമിക്കപ്പെട്ടതെന്ന് ആഗോള മാരിടൈം റിസ്ക് മാനേജ്മെന്റ് സ്ഥാപനമായ ആംബ്രേ അറിയിച്ചു.ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല.
