നടിയും ബിഗ് ബോസ് താരവുമായ ധന്യ മേരി വര്ഗീസിന്റെ സ്വത്തുക്കള് കണ്ടുകെട്ടി. ഫ്ലാറ്റ് തട്ടിപ്പുകേസിലാണ് നടിയുടെയും കുടുംബത്തിന്റെയും തിരുവനന്തപുരത്തെ 13 സ്ഥലങ്ങള് ഇഡി കണ്ടുകെട്ടിയത്.
പട്ടത്തേയും കരകുളത്തെയും 1.5 കോടി രൂപ വിലമതിക്കുന്ന ഭൂമിയാണ് കണ്ടുകെട്ടിയത്. നടിയുടെ ഭര്ത്താവ് ജോണിന്റെ പിതാവ് ജേക്കബ് സാംസണ് ആന്ഡ് സണ്സിന്റെ ഉടമസ്ഥതയിലുള്ളവയാണ് കണ്ടുകെട്ടിയ ഭൂമി. ഫ്ളാറ്റുകൾ നിര്മിച്ചു നല്കാമെന്നു വാഗ്ദാനം ചെയ്തു പലരില് നിന്നായി വന് തുക തട്ടിയെന്നാണ് കേസ്.
2016ൽ ഈ കേസുമായി ബന്ധപ്പെട്ട് നടിയും ഭർത്താവും അറസ്റ്റിലായിരുന്നു. ഫ്ളാറ്റ് നിര്മ്മിച്ചു നല്കാമെന്ന് പറഞ്ഞ് വിദേശ മലയാളികളുള്പ്പെടെ നിരവധി പേരില് നിന്നു പണം വാങ്ങിയശേഷം കാലാവധി കഴിഞ്ഞിട്ടും ഫ്ളാറ്റ് നിര്മ്മിച്ചു നല്കാത്തതാണ് കേസ്.
