ഓട്ടവ : മെക്കാനിക്കൽ, ക്ലറിക്കൽ, ഇൻ്റർമോഡൽ ജോലികളിൽ പ്രവർത്തിക്കുന്ന ഏകദേശം 3,300 ജീവനക്കാരെ പ്രതിനിധീകരിക്കുന്ന യൂണിയനുമായി താൽക്കാലിക കരാറിലെത്തിയതായി കനേഡിയൻ നാഷണൽ റെയിൽവേ. നിലവിലെ കരാർ ഡിസംബർ 31-ന് അവസാനിക്കാനിരിക്കെയാണ് ഇരുപക്ഷവും പുതിയ കരാറിൽ എത്തിയത്.
യൂണിഫോറുമായി നാല് വർഷത്തെ താൽക്കാലിക കരാർ ഉണ്ടാക്കിയിട്ടുണ്ടെന്നും യൂണിയൻ അംഗങ്ങളുടെ അംഗീകാരത്തിനായി കാത്തിരിക്കുകയാണെന്നും സിഎൻ പറയുന്നു. കരാറിന് യൂണിയൻ അംഗങ്ങളുടെ അംഗീകാരം ലഭിച്ചതിന് ശേഷം മാത്രമേ കരാർ വ്യവസ്ഥകൾ പുറത്തുവിടൂ. അംഗീകാര വോട്ടെടുപ്പ് വരും ആഴ്ചകളിൽ നടക്കുമെന്നാണ് പ്രതീക്ഷിക്കുന്നത്. താൽക്കാലിക കരാറിൽ എത്തിയതായി യൂണിഫോർ കൗൺസിൽ 4000 സ്ഥിരീകരിച്ചിട്ടുണ്ട്. 2025-ൻ്റെ തുടക്കത്തോടെ ഒരു കരാറിൽ എത്തിയില്ലെങ്കിൽ പണിമുടക്ക് ആരംഭിക്കുമെന്ന് യൂണിഫോർ കഴിഞ്ഞ മാസം പ്രഖ്യാപിച്ചിരുന്നു.
