ഹാലിഫാക്സ് : മാരിടൈംസ് പ്രവിശ്യകളായ ന്യൂബ്രൺസ്വികിലും പ്രിൻസ് എഡ്വേഡ് ഐലൻഡിലും ഇന്ധനവില ഒറ്റരാത്രികൊണ്ട് ചെറുതായി കുറഞ്ഞു. അതേസമയം നോവസ്കോഷയിൽ മാറ്റമില്ലാതെ തുടരുന്നു.
നോവസ്കോഷ
പ്രവിശ്യയിൽ സാധാരണ പെട്രോളിന്‍റെ വിലയിൽ മാറ്റമില്ല. ഹാലിഫാക്സ് മേഖലയിൽ നിലവിൽ പെട്രോളിന്‍റെ വില ലിറ്ററിന് 163.8 സെൻ്റാണ്. എന്നാൽ, പ്രവിശ്യയിൽ ഡീസലിന് 0.7 സെൻ്റ് വർധിച്ചു. ലിറ്ററിന് 192.6 സെൻ്റാണ് ഇപ്പോളത്തെ വില. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 165.8 സെൻ്റും ഡീസലിന് 194.5 സെൻ്റുമാണ് ഈടാക്കുന്നത്.
പ്രിൻസ് എഡ്വേഡ് ഐലൻഡ്
പ്രിൻസ് എഡ്വേഡ് ഐലൻഡിൽ പെട്രോൾ വില ലിറ്ററിന് 2.3 സെൻ്റ് കുറഞ്ഞു. ലിറ്ററിന് 170.4 സെൻ്റാണ് പുതിയ വില. തുടർച്ചയായി രണ്ടാം ആഴ്ചയും ദ്വീപിൽ ഡീസൽ വിലയിൽ മാറ്റമില്ലാതെ തുടരുന്നു. ലിറ്ററിന് 200.8 സെൻ്റാണ് പ്രവിശ്യയിലെ ഡീസൽ വില.
ന്യൂബ്രൺസ്വിക്
ഒറ്റരാത്രികൊണ്ട് ന്യൂബ്രൺസ്വിക്കിൽ സാധാരണ പെട്രോളിന്‍റെ വില ലിറ്ററിന് 0.4 സെൻ്റ് കുറഞ്ഞു. ലിറ്ററിന് 167.7 സെൻ്റാണ് പുതിയ വില. ഒപ്പം ഡീസൽ വിലയും പ്രവിശ്യയിൽ വർധിച്ചു. ഡീസൽ വില 0.6 സെൻ്റ് വർധിച്ച് ലിറ്ററിന് 195.9 സെൻ്റായി.
