ഓട്ടവ : അലർജി സാധ്യതയെ തുടർന്ന് കാനഡയിലുടനീളം വിറ്റഴിച്ച ക്രിസ്റ്റി ബ്രാൻഡ് ഒറിജിനൽ മിനി റിറ്റ്‌സ് ക്രാക്കറുകൾ തിരിച്ചുവിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി (സിഎഫ്ഐഎ) അറിയിച്ചു. ഉൽപ്പന്നത്തിൽ ലേബലിൽ ഉൾപ്പെടുത്താത്ത പാൽ അടങ്ങിയിട്ടുണ്ടെന്ന് ഏജൻസി പറയുന്നു.
ഗുരുതരമായ അല്ലെങ്കിൽ ജീവന് ഭീഷണിയായ ആരോഗ്യപ്രശ്നങ്ങൾക്ക് കാരണമാകുമെന്നതിനാൽ അലർജിയുള്ളവർ തിരിച്ചുവിളിച്ച ഉൽപ്പന്നങ്ങൾ കഴിക്കരുതെന്ന് CFIA മുന്നറിയിപ്പ് നൽകി. ഈ ഉൽപ്പന്നവുമായി ബന്ധപ്പെട്ട് ഇതുവരെ കേസുകളൊന്നും റിപ്പോർട്ട് ചെയ്തിട്ടില്ല. തിരിച്ചുവിളിച്ച ഉൽപ്പന്നങ്ങൾ ഉപേക്ഷിക്കുകയോ വാങ്ങിയ സ്റ്റോറിൽ തിരികെ നൽകണമെന്നും CFIA നിർദ്ദേശിച്ചു.
