ഹാലിഫാക്സ് : മാരിടൈംസ് പ്രവിശ്യകളായ നോവസ്കോഷയിലും ന്യൂബ്രൺസ്വിക്കിലും പെട്രോൾ-ഡീസൽ വിലയിൽ നേരിയ കുറവുണ്ടായി. എന്നാൽ, പ്രിൻസ് എഡ്വേഡ് ഐലൻഡിൽ ഇന്ധനവില മാറ്റമില്ലാതെ തുടരുന്നു.
നോവസ്കോഷ
നോവസ്കോഷയിൽ, ഹാലിഫാക്സ് മേഖലയിൽ സാധാരണ പെട്രോളിന്‍റെ വില ലിറ്ററിന് 0.8 സെൻ്റ് കുറഞ്ഞു. ഇപ്പോൾ ലിറ്ററിന് 163.0 സെൻ്റാണ് കുറഞ്ഞ നിരക്ക്. പ്രവിശ്യയിൽ ഡീസൽ വിലയിലും ഇടിവ് ഉണ്ടായി. ഡീസൽ വില ലിറ്ററിന് ഒരു സെൻ്റ് കുറഞ്ഞ് 191.6 ആയി. കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 164.9 സെൻ്റും ഡീസലിന് ലിറ്ററിന് 193.6 സെൻ്റുമാണ് നിരക്ക്.
ന്യൂബ്രൺസ്വിക്
ഒറ്റരാത്രികൊണ്ട് ന്യൂബ്രൺസ്വിക്കിൽ സാധാരണ പെട്രോളിന്‍റെ വില ലിറ്ററിന് 0.9 സെൻ്റ് കുറഞ്ഞു. ലിറ്ററിന് 166.8 സെൻ്റാണ് പുതിയ വില. പ്രവിശ്യയിൽ ഡീസൽ വില 0.1 സെൻ്റ് ഇടിഞ്ഞു. ന്യൂബ്രൺസ്വിക്കിൽ ഡീസൽ ലിറ്ററിന് 195.8 സെൻ്റാണ് പുതിയ വില.
പ്രിൻസ് എഡ്വേഡ് ഐലൻഡ്
പ്രിൻസ് എഡ്വേഡ് ഐലൻഡിൽ ഇന്ധനവിലയിൽ മാറ്റമില്ലാതെ തുടരുന്നു. പ്രവിശ്യയിൽ സാധാരണ പെട്രോളിന് ലിറ്ററിന് 170.4 സെൻ്റാണ് വില. കൂടാതെ തുടർച്ചയായി മൂന്നാം ആഴ്ചയും ഡീസൽ വിലയിൽ മാറ്റമുണ്ടായില്ല. ഏറ്റവും കുറഞ്ഞ വില ലിറ്ററിന് 200.8 സെൻ്റാണ്.
