ഹാലിഫാക്സ് : മൂന്ന് മാരിടൈംസ് പ്രവിശ്യകളിലും പെട്രോൾ-ഡീസൽ വില ഒറ്റരാത്രി കൊണ്ട് കുറഞ്ഞു.
നോവസ്കോഷ
പ്രവിശ്യാ തലസ്ഥാനമായ ഹാലിഫാക്സ് മേഖലയിൽ സാധാരണ പെട്രോളിന്‍റെ വില ലിറ്ററിന് 5.9 സെൻ്റ് കുറഞ്ഞു. ഇതോടെ ലിറ്ററിന് 157.1 സെൻ്റാണ് ഇപ്പോളത്തെ കുറഞ്ഞ വില. നഗരത്തിൽ ഡീസൽ വില മൂന്ന് സെൻ്റ് കുറഞ്ഞ് ലിറ്ററിന് 188.6 സെൻ്റായി. മറ്റൊരു പ്രധാന നഗരമായ കെയ്പ് ബ്രെറ്റണിൽ പെട്രോൾ വില ലിറ്ററിന് 159.1 സെൻ്റും ഡീസൽ വില ലിറ്ററിന് 190.6 സെൻ്റുമാണ്.
പ്രിൻസ് എഡ്വേഡ് ഐലൻഡ്
പ്രിൻസ് എഡ്വേഡ് ഐലൻഡിൽ പെട്രോൾ വില 6.3 സെൻ്റ് കുറഞ്ഞു. നിലവിൽ സാധാരണ പെട്രോളിന് ലിറ്ററിന് 164.1 സെൻ്റാണ് പുതിയ നിരക്ക്. ദ്വീപിലെ ഡീസൽ വിലയിലും കുറവ് രേഖപ്പെടുത്തി. ഡീസൽ വില നാല് സെൻ്റ് കുറഞ്ഞ് ലിറ്ററിന് 196.8 സെൻ്റായി.
ന്യൂബ്രൺസ്വിക്
ന്യൂബ്രൺസ്വിക്കിൽ പെട്രോൾ വില 3.6 സെൻ്റ് കുറഞ്ഞു. ലിറ്ററിന് 163.2 സെൻ്റാണ് പുതിയ പെട്രോൾ വില. കൂടാതെ പ്രവിശ്യയിൽ ഡീസൽ വില ഒറ്റരാത്രികൊണ്ട് 1.4 സെൻ്റ് കുറവുണ്ടായി. ഇതോടെ ഡീസൽ വില ലിറ്ററിന് 194.4 സെൻ്റായി.
