മാരിടൈംസിൽ പെട്രോൾ-ഡീസൽ വില വീണ്ടും കുറഞ്ഞു

ഹാലിഫാക്സ് : മാരിടൈംസ് പ്രവിശ്യകളായ നോവസ്കോഷയിലും ന്യൂബ്രൺസ്വിക്കിലും ഒറ്റരാത്രികൊണ്ട് ഇന്ധനവില കുറഞ്ഞു. അതേസമയം പ്രിൻസ് എഡ്വേഡ് ഐലൻഡിൽ ഇന്ധനവിലയിൽ മാറ്റമില്ല.

നോവസ്കോഷ

പ്രവിശ്യാ തലസ്ഥാനമായ ഹാലിഫാക്സ് മേഖലയിൽ സാധാരണ പെട്രോളിന്‍റെ വില 1.8 സെൻ്റ് കുറഞ്ഞ് ലിറ്ററിന് 155.3 സെൻ്റ് ആയി. നഗരത്തിൽ ഡീസൽ വിലയിലും ഇടിവ് രേഖപ്പെടുത്തി. ഡീസൽ വില 5.9 സെൻ്റ് കുറവാണ് ഉണ്ടായത്. ഇതോടെ ലിറ്ററിന് 179.1 സെൻ്റാണ് പുതിയ വില. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന്‍റെ ഏറ്റവും കുറഞ്ഞ വില ഇപ്പോൾ ലിറ്ററിന് 157.2 സെൻ്റും ഡീസലിൻ്റെ ഏറ്റവും കുറഞ്ഞ വില ലിറ്ററിന് 181.0 സെൻ്റുമാണ്.

പ്രിൻസ് എഡ്വേഡ് ഐലൻഡ്

പ്രിൻസ് എഡ്വേഡ് ഐലൻഡിൽ പെട്രോൾ വിലയിൽ മാറ്റമില്ല. സാധാരണ പെട്രോളിന് ലിറ്ററിന് 161.8 സെൻ്റാണ് പ്രവിശ്യയിൽ ഈടാക്കുന്നത്. അതേസമയം ദ്വീപിൽ ഡീസൽ വില 1.7 സെൻ്റ് കുറഞ്ഞ് ലിറ്ററിന് 189.3 സെൻ്റായി.

ന്യൂബ്രൺസ്വിക്

ന്യൂബ്രൺസ്വിക്കിൽ സാധാരണ പെട്രോളിന്‍റെ വിലയിൽ 3.5 സെൻ്റ് കുറവുണ്ടായി. ലിറ്ററിന് 158.0 സെൻ്റാണ് പുതിയ വില. അതേസമയം ഡീസൽ വില ആറ് സെൻ്റ് കുറഞ്ഞു. ലിറ്ററിന് 184.3 സെൻ്റാണ് പുതിയ പരമാവധി വില.