ഓട്ടവ : കാനഡയിലെ ദേശീയ തിരഞ്ഞെടുപ്പിന് ശേഷമുള്ള ആദ്യത്തെ എക്സ്പ്രസ് എൻട്രി നറുക്കെടുപ്പിലൂടെ സ്ഥിര താമസത്തിനായി അപേക്ഷിക്കാൻ 1,000 ഉദ്യോഗാർത്ഥികൾക്ക് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ഇമിഗ്രേഷൻ വകുപ്പ് ഈ വർഷം അവതരിപ്പിച്ച പുതിയ എഡ്യൂക്കേഷൻ കാറ്റഗറിയിലുള്ള ആദ്യത്തെ എക്സ്പ്രസ് എൻട്രി നറുക്കെടുപ്പായിരുന്നു മെയ് 1-ന് നടന്നത്. കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോർ 479 അല്ലെങ്കിൽ അതിൽ കൂടുതലുള്ള ഉദ്യോഗാർത്ഥികളെയാണ് ഈ നറുക്കെടുപ്പിൽ പരിഗണിച്ചത്.
ഈ വർഷം ഫെബ്രുവരിയിലാണ് എഡ്യൂക്കേഷൻ കാറ്റഗറി ആദ്യമായി പ്രഖ്യാപിച്ചത്. ഇമിഗ്രേഷൻ വകുപ്പിന്‍റെ സാമ്പത്തിക മുൻഗണനകളിൽ ചേർത്ത ഏറ്റവും പുതിയ വിഭാഗമാണിത്. ഈ വർഷം ഇതുവരെ, എക്സ്പ്രസ് എൻട്രി സിസ്റ്റം വഴി 32,929 ഉദ്യോഗാർത്ഥികൾക്ക് ഐആർസിസി ഐടിഎകൾ നൽകിയിട്ടുണ്ട്. പ്രധാനമന്ത്രി കാർണിയുടെ ഇമിഗ്രേഷൻ നയങ്ങളിലും പുതിയ ലിബറൽ ഗവൺമെന്റിന് കീഴിൽ കനേഡിയൻ ഇമിഗ്രേഷൻ എങ്ങനെയായിരിക്കുമെന്നതിലും എല്ലാവരും ശ്രദ്ധ കേന്ദ്രീകരിച്ചിട്ടുണ്ട്.
