ടൊറൻ്റോ : ഗ്രേറ്റർ ടൊറൻ്റോയിലും തെക്കൻ ഒൻ്റാരിയോയിലും ഇന്ന് കനത്ത മഴയ്ക്കും ശക്തമായ ഇടിമിന്നലിനും പ്രതീക്ഷിക്കുന്നതായി എൻവയൺമെൻ്റ് കാനഡ. ഈ മേഖലയിൽ വെള്ളിയാഴ്ച പ്രധാനമായും മേഘാവൃതമായിരിക്കുമെന്ന് കാലാവസ്ഥാ ഏജൻസി പ്രവചിക്കുന്നു. കൂടാതെ ജിടിഎയിലുടനീളം മഴ പെയ്യാൻ സാധ്യതയുണ്ട്.
ടൊറൻ്റോയിൽ മഴ പെയ്യാൻ 30% സാധ്യതയുണ്ട്. കൂടാതെ അതിരാവിലെ ഇടിമിന്നലിനുള്ള സാധ്യതയും ഉണ്ടെന്ന് കാലാവസ്ഥാ ഏജൻസി പറയുന്നു. മിസ്സിസാഗ, ബ്രാംപ്ടൺ, ഹാമിൽട്ടൺ, നയാഗ്ര ഫോൾസ് എന്നിവിടങ്ങളിലും മഴ പെയ്യാൻ സാധ്യതയുണ്ട്. പകൽ സമയത്തെ ഉയർന്ന താപനില ഏകദേശം 27 ഡിഗ്രി സെൽഷ്യസ് ആയിരിക്കും. പക്ഷേ ഈർപ്പം കൂടിയാൽ 31 ഡിഗ്രി സെൽഷ്യസ് വരെ അനുഭവപ്പെടാം. വാരാന്ത്യത്തിലേക്ക് കടക്കുമ്പോൾ, ശനിയാഴ്ച കൂടുതൽ മഴ പെയ്യാൻ സാധ്യതയുണ്ട്. താപനില 20 ഡിഗ്രി സെൽഷ്യസായിരിക്കും. ഞായറാഴ്ച താപനില 17 ഡിഗ്രി സെൽഷ്യസും പ്രതീക്ഷിക്കുന്നു.
