ഓട്ടവ : എൻ‌ഡി‌പിക്ക് ഔദ്യോഗിക പാർട്ടി പദവി നൽകില്ലെന്ന് ഗവൺമെൻ്റ് ഹൗസ് ലീഡർ സ്റ്റീവൻ മക് കിനോൺ. ഹൗസ് ഓഫ് കോമൺസിൽ ഔദ്യോഗിക പാർട്ടി പദവി നേടുന്നതിന് ഒരു പാർട്ടിക്ക് കുറഞ്ഞത് 12 സീറ്റുകളെങ്കിലും വേണമെന്നിരിക്കെ ഏപ്രിൽ 28-ന് നടന്ന ഫെഡറൽ തിരഞ്ഞെടുപ്പിൽ എൻ‌ഡി‌പിക്ക് ലഭിച്ച സീറ്റുകളുടെ എണ്ണം ഏഴായി ചുരുങ്ങിയിരുന്നു. ഒരു പ്രതിപക്ഷ പാർട്ടിക്ക് ഔദ്യോഗിക പാർട്ടി പദവി നൽകിയ പ്രവിശ്യാ നിയമസഭകളുടെ നിരവധി മുൻകാല സംഭവങ്ങൾ ചൂണ്ടിക്കാട്ടി ഇടക്കാല എൻ‌ഡി‌പി നേതാവ് ഡോൺ ഡേവീസ് ഹൗസ് ഓഫ് കോമൺസിൽ എൻ‌ഡി‌പിക്ക് ഔദ്യോഗിക പാർട്ടി പദവി നേടുന്നതിനെക്കുറിച്ച് പ്രധാനമന്ത്രിയുടെ ഓഫീസുമായി ബന്ധപ്പെട്ടിരുന്നു.
ഔദ്യോഗിക പാർട്ടി പദവി നഷ്ടപ്പെടുന്നതോടെ, ചോദ്യോത്തര വേളയിൽ എൻ‌ഡി‌പിക്ക് ദൈനംദിന ചോദ്യങ്ങൾ ചോദിക്കാൻ അനുവാദമുണ്ടാകില്ല. കൂടാതെ സ്റ്റാൻഡിങ് കമ്മിറ്റികളിൽ സീറ്റുകൾ ലഭിക്കില്ല. അംഗീകൃത പാർട്ടികൾക്ക് നൽകുന്ന സാമ്പത്തിക സ്രോതസ്സുകൾ നഷ്ടപ്പെടും.
