വൻകൂവർ : നഗരത്തിൽ 14 വയസ്സുകാരനെ കുത്തിപ്പരുക്കേപ്പിച്ച കേസിൽ 15 വയസ്സുള്ള ഒരു ആൺകുട്ടിയെ അറസ്റ്റ് ചെയ്തതായി സറേ പൊലീസ് സർവീസ് (എസ്പിഎസ്) അറിയിച്ചു. വ്യാഴാഴ്ച ഉച്ചകഴിഞ്ഞ് മൂന്ന് മണിയോടെ 132 സ്ട്രീറ്റിലെ 70 ബി അവന്യൂവിലാണ് സംഭവം.
14 വയസ്സുള്ള ആൺകുട്ടിക്ക് കുത്തേറ്റ് ഗുരുതരമായി പരുക്കേറ്റതായി പൊലീസ് അറിയിച്ചു. കുട്ടിയെ ആശുപത്രിയിൽ പ്രവേശിപ്പിച്ചു. തുടർന്ന് നടന്ന അന്വേഷണത്തിൽ വൈകുന്നേരം അഞ്ച് മണിയോടെ സംഭവസ്ഥലത്ത് നിന്നും കുറച്ച് ബ്ലോക്കുകൾക്ക് അകലെ നിന്നും പ്രതിയായ കുട്ടിയെ കണ്ടെത്തി അറസ്റ്റ് ചെയ്തു. സംഭവം യാദൃശ്ചികമല്ലെന്നും ഇരുവർക്കും പരസ്പരം അറിയാമായിരുന്നുവെന്നും എസ്പിഎസ് പറയുന്നു. എന്നാൽ, കത്തിക്കുത്തിനുള്ള കാരണം വ്യക്തമല്ല. സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവർ അന്വേഷണ ഉദ്യോഗസ്ഥരുമായി 604-599-0502 എന്ന നമ്പറിൽ ബന്ധപ്പെടണമെന്ന് സറേ പൊലീസ് സർവീസ് അഭ്യർത്ഥിച്ചു.
