ടൊറൻ്റോ : നഗരത്തിൽ ഇന്ന് ചൂടും വെയിലുള്ളതുമായ കാലാവസ്ഥ അനുഭവപ്പെടുമെന്ന് എൻവയൺമെൻ്റ് കാനഡ. ബുധനാഴ്ച ടൊറൻ്റോയിൽ 28 ഡിഗ്രി സെൽഷ്യസ് വരെ താപനില ഉയരുമെന്ന് കാലാവസ്ഥാ ഏജൻസി പ്രവചിക്കുന്നു. എന്നാൽ, ഈർപ്പത്തോടൊപ്പം 32 ഡിഗ്രി സെൽഷ്യസായി അനുഭവപ്പെടും. ഒപ്പം ഉച്ചകഴിഞ്ഞ് മഴ പെയ്യാൻ സാധ്യത ഉണ്ടെന്നും കാലാവസ്ഥാ വകുപ്പ് അറിയിച്ചു.
വ്യാഴാഴ്ച പകൽ സമയത്ത് ഉയർന്ന താപനില 23 ഡിഗ്രി സെൽഷ്യസിൽ എത്തുമെന്ന് പ്രതീക്ഷിക്കുന്നു. താപനില ഈർപ്പത്തിനൊപ്പം 25 ഡിഗ്രി സെൽഷ്യസിനോട് അടുക്കുമെന്നും കരുതുന്നു. വെള്ളിയാഴ്ചയും ശനിയാഴ്ചയും പകൽ സമയത്ത് ഉയർന്ന താപനില 18 ഡിഗ്രി സെൽഷ്യസിൽ എത്തുമെന്ന് എൻവയൺമെൻ്റ് കാനഡ റിപ്പോർട്ട് ചെയ്തു. ശനിയാഴ്ച മഴയും തണുപ്പും ആയിരിക്കും. എന്നാൽ, ഞായറാഴ്ച വീണ്ടും താപനില ഉയരുമെന്ന് ദേശീയ കാലാവസ്ഥാ ഏജൻസി അറിയിച്ചു. ഞായറാഴ്ച 22 ഡിഗ്രി സെൽഷ്യസ് വരെ ഉയർന്ന താപനിലയാണ് പ്രതീക്ഷിക്കുന്നത്.
