ഓട്ടവ : ഏറ്റവും പുതിയ എക്സ്പ്രസ് എൻട്രി നറുക്കെടുപ്പിൽ 503 ഉദ്യോഗാർത്ഥികൾക്ക് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). പ്രൊവിൻഷ്യൽ നോമിനി പ്രോഗ്രാം (PNP) അപേക്ഷകർക്കായി നടത്തിയ ഈ നറുക്കെടുപ്പിൽ ഏറ്റവും കുറഞ്ഞ കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോർ 742 ഉള്ള ഉദ്യോഗാർത്ഥികളെയാണ് പരിഗണിച്ചത്.
ഇന്നത്തെ എക്സ്പ്രസ് എൻട്രി നറുക്കെടുപ്പ് ഈ മാസത്തിലെ അഞ്ചാമത്തെയായിരുന്നു. ജൂൺ 4-ന് എക്സ്പ്രസ് എൻട്രിയുടെ ഹെൽത്ത് കെയർ, സോഷ്യൽ സർവീസസ് വിഭാഗത്തിലും ജൂൺ 10-ന് ഒരു ചെറിയ പ്രൊവിൻഷ്യൽ നോമിനി പ്രോഗ്രാം (PNP) നറുക്കെടുപ്പും ജൂൺ 12-ന് കനേഡിയൻ എക്സ്പീരിയൻസ് ക്ലാസ് (CEC) നറുക്കെടുപ്പും നടന്നിരുന്നു. ഇതോടെ ഈ വർഷം ഇതുവരെ, എക്സ്പ്രസ് എൻട്രി സിസ്റ്റം വഴി 38,845 ഉദ്യോഗാർത്ഥികൾക്ക് ഐആർസിസി ഇൻവിറ്റേഷൻ നൽകിയിട്ടുണ്ട്.
