ഓട്ടവ : ഉയരുന്ന ജീവിതച്ചെലവ് കാരണം പ്രതിസന്ധിയിലായ ജനങ്ങളെ സഹായിക്കുന്നതിന് കനേഡിയൻ സർക്കാർ നിരവധി ക്രെഡിറ്റുകളും റിബേറ്റ് പേയ്‌മെൻ്റുകളും നൽകുന്നു. മിക്ക കനേഡിയൻ പൗരന്മാരും അടുത്ത പേയ്മെൻ്റ് തീയതികൾക്കായി കാത്തിരിക്കുകയാണ്. 2025 ഓഗസ്റ്റിലേക്ക് കടക്കുമ്പോൾ യോഗ്യരായ കനേഡിയൻ പൗരന്മാർക്ക് കാനഡ റവന്യൂ ഏജൻസിയിൽ (CRA) നിന്ന് മൂന്ന് ആനുകൂല്യ പേയ്‌മെൻ്റുകൾ ലഭിക്കും. കാനഡ ചൈൽഡ് ബെനിഫിറ്റ് (CCB), ഒൻ്റാരിയോ ട്രിലിയം ബെനിഫിറ്റ് (OTB), കാനഡ പെൻഷൻ പ്ലാൻ (CPP) എന്നിവയാണ് ഓഗസ്റ്റിൽ വിതരണം ചെയ്യുക.
കാനഡ ചൈൽഡ് ബെനിഫിറ്റ് (CCB)
18 വയസ്സിന് താഴെയുള്ള കുട്ടികളെ വളർത്തുന്നതിനുള്ള, അർഹരായ കുടുംബങ്ങൾക്ക് നൽകുന്ന നികുതി രഹിത പ്രതിമാസ പേയ്മെൻ്റാണ് കാനഡ ചൈൽഡ് ബെനിഫിറ്റ്. അപേക്ഷകരുടെ വരുമാനവും കുട്ടികളുടെ പ്രായവും അനുസരിച്ചായിരിക്കും തുക അനുവദിക്കുക. ഓഗസ്റ്റ് 20 യോഗ്യരായ അർഹരായ കുടുംബങ്ങൾക്ക് തുക ലഭിക്കും. സെപ്റ്റംബർ 19, ഒക്ടോബർ 20, നവംബർ 20, ഡിസംബർ 12, 2026 ജനുവരി 20
2026 ഫെബ്രുവരി 20, 2026 മാർച്ച് 20, 2026 ഏപ്രിൽ 20 എന്നിവയാണ് വരാനിരിക്കുന്നCCB പേയ്മെൻ്റ് തീയതികൾ.
2025-2026 ആനുകൂല്യ വർഷത്തേക്ക് (ജൂലൈ 2025 മുതൽ ജൂൺ 2026 വരെ), സ്റ്റാറ്റിസ്റ്റിക്സ് കാനഡയിൽ നിന്നുള്ള ഉപഭോക്തൃ വില സൂചിക (സിപിഐ)യെ അടിസ്ഥാനമാക്കി, കാനഡ ചൈൽഡ് ബെനിഫിറ്റ് തുക 2.7% വർധിപ്പിച്ചിട്ടുണ്ട്. ആറ് വയസ്സിന് താഴെയുള്ള കുട്ടികൾക്കുള്ള പരമാവധി വാർഷിക ആനുകൂല്യം ഇപ്പോൾ ഒരു കുട്ടിക്ക് 7,997 ഡോളർ ലഭിക്കും. അല്ലെങ്കിൽ പ്രതിമാസം ഏകദേശം 666.41 ഡോളറായിരിക്കും ലഭിക്കുക. അതേസമയം ആറ് മുതൽ 17 വയസ്സ് വരെ പ്രായമുള്ള കുട്ടികൾക്ക് പരമാവധി ആനുകൂല്യം ഒരു കുട്ടിക്ക് ലഭിക്കുന്നത് 6,748 ഡോളർ ആയിരിക്കും. അല്ലെങ്കിൽ പ്രതിമാസം ഏകദേശം 562.33 ഡോളർ.
ഒൻ്റാരിയോ ട്രിലിയം ബെനിഫിറ്റ് (OTB)
വർധിച്ചു വരുന്ന ഊർജ്ജ ചെലവുകൾ, നികുതികൾ, ദൈനംദിന ചെലവുകൾ എന്നിവയുമായി മല്ലിടുന്ന താഴ്ന്ന, ഇടത്തരം വരുമാനമുള്ള കുടുംബങ്ങൾക്ക് ആശ്വാസമാകുന്ന, ഒൻ്റാരിയോ നിവാസികൾക്കുള്ള നികുതി രഹിത പ്രതിമാസ പേയ്മെൻ്റാണ് ഒൻ്റാരിയോ ട്രിലിയം ബെനിഫിറ്റ് (OTB).
വിൽപ്പന നികുതി, ഊർജ്ജ ചെലവുകൾ, പ്രോപ്പർട്ടി നികുതി എന്നിവയുടെ ഭാരം ലഘൂകരിക്കുന്നതിന് ഒൻ്റാരിയോ സെയിൽസ് ടാക്സ് ക്രെഡിറ്റ് (OSTC), ഒൻ്റാരിയോ എനർജി ആൻഡ് പ്രോപ്പർട്ടി ടാക്സ് ക്രെഡിറ്റ് (OEPTC), നോർത്തേൺ ഒൻ്റാരിയോ എനർജി ക്രെഡിറ്റ് (NOEC) എന്നീ മൂന്ന് വ്യത്യസ്ത പ്രൊവിൻഷ്യൽ ക്രെഡിറ്റുകൾ സംയോജിപ്പിക്കുന്ന നികുതി രഹിത പ്രതിമാസ പേയ്മെൻ്റാണ് ഒൻ്റാരിയോ ട്രില്ലിയം ബെനിഫിറ്റ്. ഓഗസ്റ്റ് 8, സെപ്റ്റംബർ 10, ഒക്ടോബർ 10, നവംബർ 10, ഡിസംബർ 10, 2026 ജനുവരി 9, 2026
ഫെബ്രുവരി 10, 2026 മാർച്ച് 10, 2026 ഏപ്രിൽ 10, 2026 മെയ് 8, 2026 ജൂൺ 10 എന്നിവയാണ് ഒൻ്റാരിയോ ട്രിലിയം ബെനിഫിറ്റ് പേയ്മെൻ്റ് ഷെഡ്യൂൾ.
കാനഡ പെൻഷൻ പ്ലാൻ (CPP)
വിരമിക്കുമ്പോൾ വരുമാനവും വൈകല്യമോ മരണമോ ഉണ്ടായാൽ ആനുകൂല്യങ്ങളും നൽകുന്നതിന് രൂപകൽപ്പന ചെയ്ത ഒരു രാജ്യവ്യാപക സോഷ്യൽ ഇൻഷുറൻസ് പ്രോഗ്രാമാണ് കാനഡ പെൻഷൻ പ്ലാൻ. 65 വയസ്സിന് മുകളിലുള്ള താമസക്കാർക്ക് പരമാവധി 1,433 ഡോളർ പ്രതിമാസ പേയ്മെൻ്റിന് അർഹതയുണ്ട്. 2.7% വർധിച്ച തുകയോടെയാണ് ഈ തവണ കാനഡ പെൻഷൻ പ്ലാൻ വിതരണം ചെയ്യുന്നത്. കൂടാതെ വാർദ്ധക്യ സുരക്ഷ (OAS), ഗ്യാരണ്ടീഡ് ഇൻകം സപ്ലിമെൻ്റ് (GIS) പോലുള്ള അധിക ആനുകൂല്യങ്ങളിൽ 800 വരെ ലഭിക്കും. ഓഗസ്റ്റ് 27 (ബുധൻ), സെപ്റ്റംബർ 25 (വ്യാഴം), ഒക്ടോബർ 29 (ബുധൻ), നവംബർ 26 (ബുധൻ), ഡിസംബർ 22 (തിങ്കൾ) എന്നിവയാണ് ഈ വർഷത്തിലെ ശേഷിക്കുന്ന CPP പേയ്മെൻ്റ് തീയതികൾ.
