ടൊറൻ്റോ : തെക്കൻഒൻ്റാരിയോയിലെ മിക്കയിടങ്ങളിലും, പ്രത്യേകിച്ച് ജിടിഎയിലും, കനത്ത കാട്ടുതീ പുക മൂടിയതായി എൻവയൺമെൻ്റ് കാനഡ റിപ്പോർട്ട് ചെയ്തു. കാട്ടുതീയിൽ നിന്നുള്ള പുക, ശനിയാഴ്ച ഉച്ചയ്ക്കും വൈകുന്നേരവും, വായുവിന്‍റെ ഗുണനിലവാരം മോശമാകുന്നതിനും ദൃശ്യപരത കുറയുന്നതിനും കാരണമാകുന്നുണ്ടെന്ന് ദേശീയ കാലാവസ്ഥാ സേവനം പറയുന്നു.
പുകയുടെ അളവ് വർധിക്കുന്നതിനനുസരിച്ച് ആരോഗ്യ അപകടസാധ്യതകളും വർധിക്കുമെന്ന് കാലാവസ്ഥാ ഏജൻസി മുന്നറിയിപ്പ് നൽകി. കാട്ടുതീ പുകയില അടങ്ങിയിരിക്കുന്ന സൂക്ഷ്മകണികകൾ കണ്ണ്, മൂക്ക്, തൊണ്ട എന്നിവയിൽ അസ്വസ്ഥത, തലവേദന, ചുമ എന്നിവയ്ക്ക് കാരണമാകും. എന്നാൽ, ശ്വാസതടസ്സം, നെഞ്ചുവേദന, ശക്തമായ ചുമയ്ക്കും കാട്ടുതീ പുക ശ്വസിക്കുന്നത് കാരണമാകുമെന്ന് കാലാവസ്ഥാ വകുപ്പ് പറയുന്നു.
