ഓട്ടവ : യുഎസ് താരിഫുകളുടെ ഭാരം മൂലം രണ്ടാം പാദത്തിൽ കനേഡിയൻ സമ്പദ്‌വ്യവസ്ഥയിൽ ഇടിവ് നേരിട്ടതായി സ്റ്റാറ്റിസ്റ്റിക്സ് കാനഡയുടെ റിപ്പോർട്ട്. കയറ്റുമതിയിലും ബിസിനസ് നിക്ഷേപത്തിലും ഉണ്ടായ കുത്തനെയുള്ള ഇടിവ് കാരണം രണ്ടാം പാദത്തിൽ യഥാർത്ഥ മൊത്ത ആഭ്യന്തര ഉൽ‌പാദനം വാർഷികാടിസ്ഥാനത്തിൽ 1.6% കുറഞ്ഞതായി ഏജൻസി റിപ്പോർട്ട് ചെയ്തു.
പാസഞ്ചർ കാറുകളുടെയും ലൈറ്റ് ട്രക്കുകളുടെയും രാജ്യാന്തര കയറ്റുമതി ഈ പാദത്തിൽ 24.7% ഇടിഞ്ഞു, സ്റ്റാറ്റിസ്റ്റിക്സ് കാനഡ അറിയിച്ചു. വ്യാവസായിക യന്ത്രങ്ങൾ, ഉപകരണങ്ങൾ, പാർട്‌സ് കയറ്റുമതി, യാത്രാ സേവനങ്ങൾ എന്നിവയിലും ഇടിവ് സംഭവിച്ചു. രണ്ടാം പാദത്തിൽ യന്ത്രങ്ങളിലും ഉപകരണങ്ങളിലുമുള്ള നിക്ഷേപം 9.4% ഇടിഞ്ഞു. ചരക്ക് ഉൽപ്പാദന മേഖലകൾ ജൂണിൽ 0.5 ശതമാനം ഇടിഞ്ഞു. അതേസമയം, സേവന വ്യവസായങ്ങൾ 0.1 ശതമാനം ഉയർന്നു. ജൂൺ മാസത്തിൽ യഥാർത്ഥ ജിഡിപി 0.1 ശതമാനം കുറഞ്ഞുവെന്ന് ഏജൻസി പറഞ്ഞു. എന്നാൽ, തുടക്കത്തിൽ 0.1 ശതമാനം വളർച്ച പ്രതീക്ഷിച്ചിരുന്നു. നാലു മാസത്തിനിടെ താരിഫ് നിരക്ക് വർധിപ്പിച്ച നിർമ്മാണ മേഖലയിലെ മൂന്നാമത്തെ ഇടിവ് ജൂണിലെ വ്യാപാര പ്രവർത്തനങ്ങളെ പിന്നോട്ടടിച്ചതായി ഏജൻസി പറഞ്ഞു.
