ഓട്ടവ : ഹൈബ്രിഡ് കൺട്രോൾ പ്രോസസറിലെ ഒരു സോഫ്റ്റ്‌വെയർ പ്രശ്നം കാരണം കാനഡയിൽ മൂവായിരത്തിലധികം ജീപ്പ് വാഹനങ്ങൾ തിരിച്ചു വിളിച്ചതായി ട്രാൻസ്പോർട്ട് കാനഡ അറിയിച്ചു. 2022-2025 മോഡൽ ജീപ്പ് ഗ്രാൻഡ് ചെറോക്കീസാണ് ബാധിച്ച വാഹനങ്ങൾ. പ്ലഗ്-ഇൻ ഹൈബ്രിഡ് മോഡലുകൾ മാത്രമേ തിരിച്ചുവിളിക്കലിൽ ഉൾപ്പെടുത്തിയിട്ടുള്ളൂ. കാനഡയിൽ 3,476 വാഹനങ്ങൾ ബാധിച്ചിട്ടുണ്ട്.
ഹൈബ്രിഡ് കൺട്രോൾ പ്രോസസറിലെ തകരാർ അപകടസാധ്യത വർധിപ്പിക്കുന്നതായി ഏജൻസി മുന്നറിയിപ്പ് നൽകി. ഫിയറ്റ് ക്രൈസ്ലർ പ്രശ്നത്തെക്കുറിച്ച് വാഹന ഉടമകളെ രേഖാമൂലം അറിയിക്കുമെന്ന് ട്രാൻസ്പോർട്ട് കാനഡ അറിയിച്ചു.
