ഓട്ടവ : ഏറ്റവും പുതിയ എക്സ്പ്രസ് എൻട്രി നറുക്കെടുപ്പിൽ സ്ഥിരതാമസത്തിനായി എജ്യുക്കേഷൻ കാറ്റഗറിയിലെ 2,500 അപേക്ഷകർക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി) അറിയിച്ചു. 462 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ള അപേക്ഷകരെയാണ് ഈ നറുക്കെടുപ്പിൽ ഐആർസിസി പരിഗണിച്ചത്.
ഇന്നത്തെ എക്സ്പ്രസ് എൻട്രി നറുക്കെടുപ്പ് ഈ മാസത്തിലെ അഞ്ചാമത്തെയാണ്. സെപ്റ്റംബർ 2-ന് പ്രൊവിൻഷ്യൽ നോമിനി പ്രോഗ്രാം (PNP), സെപ്റ്റംബർ 3-ന് കനേഡിയൻ എക്സ്പീരിയൻസ് ക്ലാസ് (CEC), സെപ്റ്റംബർ 4 ന് ഫ്രഞ്ച് ഭാഷാ നറുക്കെടുപ്പ്, സെപ്റ്റംബർ 15-ന് വീണ്ടുമൊരു പ്രൊവിൻഷ്യൽ നോമിനി പ്രോഗ്രാം (PNP) നറുക്കെടുപ്പ് എന്നിവർ നടന്നിരുന്നു. ഇതുവരെ, 2025 ൽ എക്സ്പ്രസ് എൻട്രി സിസ്റ്റം വഴി IRCC 59,797 ITA-കൾ നൽകിയിട്ടുണ്ട്.
