ഹാലിഫാക്സ് : മൂന്ന് മാരിടൈംസ് പ്രവിശ്യകളിലും ഒറ്റരാത്രി കൊണ്ട് പെട്രോൾ വില കുറഞ്ഞു. എന്നാൽ, ന്യൂബ്രൺസ്വിക്കിലൊഴികെ ഡീസൽ വിലയിൽ മാറ്റമില്ല. ന്യൂബ്രൺസ്വിക്കിൽ ഡീസൽ വിലയിൽ ചെറിയ വർധന ഉണ്ടായി.
നോവസ്കോഷ
പ്രവിശ്യാ തലസ്ഥാനമായ ഹാലിഫാക്സിൽ സാധാരണ പെട്രോളിന്‍റെ വില 4.2 സെൻ്റ് കുറഞ്ഞു. ഇതോടെ ഏറ്റവും കുറഞ്ഞ വില ലിറ്ററിന് 140.7 സെൻ്റായി. അതേസമയം പ്രവിശ്യയിൽ ഡീസൽ വിലയിൽ മാറ്റമില്ലാതെ തുടരുന്നു. ലിറ്ററിന് 151.2 സെൻ്റാണ് പ്രവിശ്യയിലെ ഡീസൽ വില. നോവസ്കോഷയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ പെട്രോളിന് ലിറ്ററിന് 142.7 സെന്റും ഡീസലിന് 153.1 സെന്റുമാണ് ഈടാക്കുന്നത്.
പ്രിൻസ് എഡ്വേഡ് ഐലൻഡ്
പി.ഇ.ഐയിൽ സാധാരണ പെട്രോൾ വില 4.6 സെൻ്റ് കുറഞ്ഞ് ലിറ്ററിന് 150.2 സെൻ്റായി. പ്രിൻസ് എഡ്വേഡ് ഐലൻഡിൽ ഡീസൽ വില ലിറ്ററിന് 158.5 സെൻ്റായി മാറ്റമില്ലാതെ തുടരുന്നു.
ന്യൂബ്രൺസ്വിക്
ന്യൂബ്രൺസ്വിക്കിൽ, സാധാരണ പെട്രോളിന്‍റെ വിലയിൽ 2.2 സെൻ്റിന്‍റെ ഇടിവ് ഉണ്ടായി. പുതിയ വില ലിറ്ററിന് 150.4 സെൻ്റാണ്. അതേസമയം ഡീസൽ വില 0.2 സെൻ്റ് വർധിച്ചു. ഇതോടെ ഡീസൽ വില ലിറ്ററിന് 158.3 സെൻ്റായി.
