ഓട്ടവ : ഒക്ടോബറിലെ ആദ്യ എക്സ്പ്രസ് എൻട്രി നറുക്കെടുപ്പിൽ 1,000 അപേക്ഷകർക്ക് ഇൻവിറ്റേഷൻ നൽകി മിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). കനേഡിയൻ എക്സ്പീരിയൻസ് ക്ലാസ് (CEC) ഉദ്യോഗാർത്ഥികൾക്കായി നടന്ന ഈ നറുക്കെടുപ്പിൽ 534 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ളവരെയാണ് പരിഗണിച്ചത്.
ഈ വർഷത്തെ പത്താമത്തെയും തുടർച്ചയായി നടക്കുന്ന മൂന്നാമത്തെയും സിഇസി നറുക്കെടുപ്പാണിത്. ഓഗസ്റ്റ് മുതൽ, ഐആർസിസി പ്രതിമാസം ഒരു സിഇസി നറുക്കെടുപ്പ് നടത്തുന്നുണ്ട്. ഇതുവരെ, 2025 ൽ എക്സ്പ്രസ് എൻട്രി സിസ്റ്റം വഴി IRCC 66,838 ഐടിഎകൾ നൽകിയിട്ടുണ്ട്.
