ഹാലിഫാക്സ് : മാരിടൈംസ് പ്രവിശ്യയായ ന്യൂബ്രൺസ്വിക്കിൽ ഒറ്റരാത്രികൊണ്ട് ഇന്ധനവില വർധിച്ചപ്പോൾ പ്രിൻസ് എഡ്വേഡ് ഐലൻഡിൽ വില കുറഞ്ഞു. അതേസമയം നോവസ്കോഷയിലെ ഇന്ധനവിലയിൽ മാറ്റമില്ലാതെ തുടരുന്നു.
നോവസ്കോഷ
പ്രവിശ്യാ തലസ്ഥാനമായ ഹാലിഫാക്സിൽ സാധാരണ പെട്രോൾ വിലയിൽ മാറ്റമൊന്നും ഉണ്ടായില്ല. ഏറ്റവും കുറഞ്ഞ വില ലിറ്ററിന് 140.7 സെൻ്റ് ആയി തുടരുന്നു. എന്നാൽ പ്രവിശ്യയിൽ ഡീസൽ വില 4.3 സെൻ്റ് വർധിച്ചു. ലിറ്ററിന് 155.5 സെൻ്റാണ് പുതിയ വില. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന്‍റെ വില 142.7 സെൻ്റായി തുടരുന്നു. ഡീസൽ വില ലിറ്ററിന് 157.4 സെൻ്റാണ് നഗരത്തിൽ ഈടാക്കുന്നത്.
പ്രിൻസ് എഡ്വേഡ് ഐലൻഡ്
പി.ഇ.ഐയിലെ സാധാരണ പെട്രോളിന്‍റെ വില 1.7 സെൻ്റ് കുറഞ്ഞ് ഇപ്പോൾ ലിറ്ററിന് 148.5 സെൻ്റായി. അതേസമയം ദ്വീപിലെ ഡീസൽ വില നാല് സെൻ്റ് വർധിച്ചു. ഏറ്റവും കുറഞ്ഞ വില ഇപ്പോൾ ലിറ്ററിന് 162.5 സെൻ്റാണ്.
ന്യൂബ്രൺസ്വിക്
ന്യൂബ്രൺസ്വിക്കിൽ, സാധാരണ പെട്രോളിന്‍റെ വില വർധിച്ചു. പെട്രോൾ വില 2.6 സെൻ്റ് ഉയർന്ന് ഇപ്പോൾ ലിറ്ററിന് 153.0 സെൻ്റ് ആണ്. പ്രവിശ്യയിൽ ഡീസൽ വിലയും വർധിച്ചു. ലിറ്ററിന് 9.7 സെൻ്റ് വർധനയോടെ ഡീസൽ വില 168.0 സെൻ്റിലെത്തി.
