ഓട്ടവ : ഏറ്റവും പുതിയ എക്സ്പ്രസ് എൻട്രി നറുക്കെടുപ്പിൽ നാലായിരത്തിലധികം ഉദ്യോഗാർത്ഥികൾക്ക് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ഫ്രഞ്ച് ഭാഷാ പ്രാവീണ്യമുള്ള ഉദ്യോഗാർത്ഥികൾക്കായി നടന്ന ഈ നറുക്കെടുപ്പിൽ 4,500 അപേക്ഷകർക്ക് ആണ് ഇൻവിറ്റേഷൻ ലഭിച്ചത്. 432 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്.
സെപ്റ്റംബർ 4-ന് ഫ്രഞ്ച് ഭാഷാ പ്രാവീണ്യമുള്ള ഉദ്യോഗാർത്ഥികൾക്കായി IRCC 4,500 ITA നറുക്കെടുപ്പ് നടത്തിയതിനു ശേഷമുള്ള ഏറ്റവും വലിയ എക്സ്പ്രസ് എൻട്രി നറുക്കെടുപ്പാണിത്. ഈ വർഷം എക്സ്പ്രസ് എൻട്രി സിസ്റ്റത്തിന് കീഴിൽ നടന്ന നറുക്കെടുപ്പുകളിൽ ഏറ്റവും കൂടുതൽ ഐടിഎകൾ ഫ്രഞ്ച് ഭാഷാ പ്രാവീണ്യമുള്ള ഉദ്യോഗാർത്ഥികൾക്ക് ലഭിച്ചിട്ടുണ്ട്. ഇന്നത്തെ നറുക്കെടുപ്പ് പ്രകാരം 30,000 ഉദ്യോഗാർത്ഥികൾക്കാണ് ഈ വിഭാഗത്തിലൂടെ ഇൻവിറ്റേഷൻ ലഭിച്ചിട്ടുള്ളത്. അതേസമയം 2025-ൽ ഇതുവരെ IRCC എക്സ്പ്രസ് എൻട്രി സിസ്റ്റം വഴി 70,338 ഐടിഎകൾ നൽകിയിട്ടുണ്ട്.
