ഓട്ടവ : ഒക്ടോബറിലെ അഞ്ചാമത്തെ എക്സ്പ്രസ് എൻട്രി നറുക്കെടുപ്പിലൂടെ 302 ഉദ്യോഗാർത്ഥികൾക്ക് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). പ്രൊവിൻഷ്യൽ നോമിനി പ്രോഗ്രാം (PNP) ഉദ്യോഗാർത്ഥികൾക്കായി നടന്ന ഈ നറുക്കെടുപ്പിൽ പരിഗണിക്കുന്നതിന് സമഗ്ര റാങ്കിംഗ് സിസ്റ്റം (CRS) സ്കോർ 761 ആവശ്യമായിരുന്നു.
ഒക്ടോബർ ഒന്നിന് കനേഡിയൻ എക്സ്പീരിയൻസ് ക്ലാസ്, ഒക്ടോബർ 6 ന് ഫ്രഞ്ച് കാറ്റഗറി അടിസ്ഥാനമാക്കിയുള്ള നറുക്കെടുപ്പ്, ഒക്ടോബർ 14 ന് പ്രൊവിൻഷ്യൽ നോമിനി പ്രോഗ്രാം (PNP) നറുക്കെടുപ്പ്, ഒക്ടോബർ 15 ന് ഹെൽത്ത് കെയർ ആൻഡ് സോഷ്യൽ സർവീസ് നറുക്കെടുപ്പുകൾ നടന്നിരുന്നു. 2025 ൽ ഇതുവരെ IRCC എക്സ്പ്രസ് എൻട്രി സിസ്റ്റം വഴി 73,485 ഐടിഎകൾ നൽകിയിട്ടുണ്ട്.
