ഓട്ടവ : പ്രാണികളുടെ സാന്നിധ്യം കാരണം കാനഡയിലുടനീളം വിറ്റഴിച്ച പ്രശസ്ത സൂപ്പ് ബ്രാൻഡായ മിച്ചൽസ് സൂപ്പ് കമ്പനിയുടെ ഒരു ഉൽപ്പന്നം തിരിച്ചുവിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി അറിയിച്ചു. 374 ഗ്രാം പാക്കറ്റിലുള്ള കറിഡ് ചിക്കൻ സ്റ്റ്യൂ മിക്സ് ആണ് തിരിച്ചുവിളിച്ചിരിക്കുന്നത്. ബാധിച്ച ഉൽപ്പന്നം ഉപയോഗിക്കുകയോ വിൽക്കുകയോ വിതരണം ചെയ്യുകയോ അരുതെന്ന് ഏജൻസി അഭ്യർത്ഥിച്ചു. തിരിച്ചുവിളിച്ച ഉൽപ്പന്നങ്ങൾ ഉപേക്ഷിക്കുകയോ വാങ്ങിയ സ്റ്റോറിൽ തിരികെ നൽകുകയോ വേണം.
കഴിഞ്ഞ രണ്ടാഴ്ചയ്ക്കിടെ സാൽമൊണെല്ല അപകടസാധ്യത കാരണം നിരവധി പിസ്ത, പിസ്ത ചോക്ലേറ്റ് ഭക്ഷ്യ ഉൽപ്പന്നങ്ങൾ തിരിച്ചുവിളിച്ചിരുന്നു. കൂടാതെ ഇ. കോളി അപകടസാധ്യത കാരണം ലണ്ടൻ ഒൻ്റാരിയോയിൽ വിറ്റഴിച്ച ബീഫ് ഉൽപ്പന്നങ്ങളും ഏജൻസി തിരിച്ചുവിളിച്ചിരുന്നു.
