മൺട്രിയോൾ: അമിത ശബ്ദത്തിന്റെ പേരിൽ വിലക്ക് നേരിട്ട ലാ ടുലിപ്പിന് തുറന്നു പ്രവർത്തിക്കാൻ കെബെക്ക് സുപ്പീരിയർ കോടതി അനുമതി നൽകി. കൺസർട്ട് വേദിയായ ലാ ടുലിപിന് ഇനി വിലക്ക് ബാധകമല്ലെന്നും മുനിസിപ്പൽ നിയമം ഭേദഗതി ചെയ്തെന്നും ജഡ്ജി പാട്രിക് ഫെർലാൻഡ് വ്യക്തമാക്കി. 2020-ൽ അയൽവാസിയായ പിയർ-യീവ് ബൊഡോയിൻ നൽകിയ കേസാണ് നീണ്ട നിയമപോരാട്ടത്തിലേക്ക് വഴിവെച്ചത്.
വിൽ-മാരി ബറോക്കിനായി മൺട്രിയോൾ സിറ്റി ജൂണിൽ അവതരിപ്പിച്ച പുതിയ ശബ്ദനിയമമാണ് കോടതിയുടെ വിധിക്ക് അടിസ്ഥാനം. വേദി പ്രവർത്തിക്കാത്ത സമയത്തെ പരിസരത്തെ ശബ്ദം കൂടി പരിഗണിച്ചാണ് പുതിയ നിയമത്തിൽ ശബ്ദപരിധി നിശ്ചയിച്ചിരിക്കുന്നത്. ഇതനുസരിച്ച്, വിൽ-മാരിയിലെ വേദികൾക്ക് രാത്രി മൂന്ന് ഡെസിബെലും പകലും വൈകുന്നേരവും നാല് ഡെസിബെലും അധിക ശബ്ദം അനുവദനീയമാണ്.
ശബ്ദപ്രശ്നം പരിഹരിക്കുന്നതിനായി ഇൻസുലേഷൻ സ്ഥാപിക്കാൻ 2023-ൽ കോടതി നിർദ്ദേശിച്ചിരുന്നു. അപ്പീൽ നിലനിന്നതിനാൽ ഇൻസുലേഷൻ പണികൾ തുടങ്ങാനായില്ല. തുടർന്ന് വേദിയുടെ പ്രവർത്തനം താൽക്കാലികമായി നിർത്തിവെച്ചതായി അധികൃതർ വ്യക്തമാക്കി. കോടതി വിധി അനുകൂലമായെങ്കിലും ലാ തുലിപ് എപ്പോൾ വീണ്ടും പുനരാരംഭിക്കുന്നതിനെക്കുറിച്ച് ഇപ്പോഴും വ്യക്തതയില്ല.
