മൺട്രിയോൾ : നവംബറിൽ മൺട്രിയോൾ മേഖലയിലെ വീടുകളുടെ വിൽപ്പന മുൻ വർഷത്തെ അപേക്ഷിച്ച് 8.5% കുറഞ്ഞതായി കെബെക്ക് റിയൽ എസ്റ്റേറ്റ് ബോർഡ് റിപ്പോർട്ട് ചെയ്തു. 2024 നവംബറിൽ 3,870 വീടുകൾ വിറ്റ സ്ഥാനത്ത് കഴിഞ്ഞ മാസം വിറ്റത് 3,542 വീടുകൾ മാത്രമാണെന്ന് റിയൽ എസ്റ്റേറ്റ് ബ്രോക്കേഴ്സ് കെബെക്ക് പ്രൊഫഷണൽ അസോസിയേഷൻ പറയുന്നു. കൂടാതെ വർഷം തോറും 0.5% കുറഞ്ഞ് നവംബറിൽ പുതിയ ലിസ്റ്റിങ്ങുകൾ 4,798 ആയി. എന്നാൽ, സജീവ ലിസ്റ്റിങ്ങുകൾ 7.4% ഉയർന്ന് 18,205 ആയെന്നും അസോസിയേഷൻ അറിയിച്ചു.
അതേസമയം കോണ്ടോമിനിയങ്ങൾ ഒഴികെ, നഗരത്തിലെ വീടുകളുടെ ശരാശരി വില വർധിച്ചു. സിംഗിൾ ബെഡ്റൂം വീടുകളുടെ വില 5.8% ഉയർന്ന് 635,000 ഡോളറിലെത്തി. ഒരു പ്ലെക്സിന്റെ ശരാശരി വില 11% ഉയർന്ന് 855,000 ഡോളറായി.
