തിരുവനന്തപുരം: തദ്ദേശതിരഞ്ഞെടുപ്പിന്റെ ഒന്നാംഘട്ട വോട്ടെടുപ്പിന് തുടക്കം. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ 595 തദ്ദേശസ്ഥാപനങ്ങളിലെ 11,167 വാര്ഡുകളിലേക്ക് 36,620 സ്ഥാനാര്ഥികളാണുള്ളത്. രാവിലെ ആറിന് മോക്പോളിനുശേഷം ഏഴുമുതല് വൈകീട്ട് ആറുവരെയാണ് വോട്ടെടുപ്പ്. രാവിലെ തന്നെ പോളിങ് ബൂത്തുകളിൽ വോട്ടര്മാരുടെ നീണ്ട നിരയാണുള്ളത്. ആദ്യ ഒരു മണിക്കൂര് പിന്നിട്ടപ്പോള് ഭേദപ്പെട്ട പോളിങാണ് രേഖപ്പെടുത്തിയത്.
ഗ്രാമപ്രദേശങ്ങളിലുള്ളവര് മൂന്നുവോട്ട് ചെയ്യണം. മുനിസിപ്പാലിറ്റികളിലും കോര്പ്പറേഷനുകളിലും ഒരു വോട്ടും. ബാക്കിയുള്ള ഏഴുജില്ലകള്ക്ക് വ്യാഴാഴ്ചയാണ് വോട്ടെടുപ്പ്. 13-ന് രാവിലെ വോട്ടെണ്ണും.
