ഓട്ടവ : ഡിസംബറിലെ രണ്ടാമത്തേതും 16 മാസത്തിനിടയിലെ ഏറ്റവും വലുതുമായ എക്സ്പ്രസ് എൻട്രി നറുക്കെടുപ്പിൽ 6,000 അപേക്ഷകർക്ക് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി) ഇൻവിറ്റേഷൻ നൽകി. കനേഡിയൻ എക്സ്പീരിയൻസ് ക്ലാസ് (സിഇസി) ഉദ്യോഗാർത്ഥികൾക്കായി നടന്ന ഈ നറുക്കെടുപ്പിൽ 520 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ളവരെയാണ് പരിഗണിച്ചത്.
കഴിഞ്ഞ എക്സ്പ്രസ് എൻട്രി നറുക്കെടുപ്പുകളെ അപേക്ഷിച്ച് CRS കട്ട്ഓഫ് 520 ആയി കുറഞ്ഞത് ഉദ്യോഗാർത്ഥികൾക്ക് സ്ഥിരതാമസത്തിനുള്ള വഴി എളുപ്പമാക്കി. ഇതുവരെ, 2025 ൽ എക്സ്പ്രസ് എൻട്രി സിസ്റ്റം വഴി IRCC 105,599 ITAകൾ നൽകിയിട്ടുണ്ട്. ഈ വർഷത്തെ എക്സ്പ്രസ് എൻട്രി നറുക്കെടുപ്പുകൾ പ്രധാനമായും PNP അപേക്ഷകരെ ലക്ഷ്യമിട്ടാണ് നടന്നത്.
