വൻകൂവർ : കനത്ത മഞ്ഞുവീഴ്ചയും ഹിമപാത സാധ്യതയും കണക്കിലെടുത്ത് ബ്രിട്ടിഷ് കൊളംബിയ ഇന്റീരിയറിലൂടെയുള്ള ട്രാൻസ്-കാനഡ ഹൈവേയുടെ ഒരു ഭാഗം അടച്ചു. റെവൽസ്റ്റോക്കിനും ഗോൾഡനും ഇടയിലുള്ള ഹൈവേയുടെ ഇരു ദിശകളുമാണ് അടച്ചതെന്ന് ഡ്രൈവ്ബിസി റിപ്പോർട്ട് ചെയ്തു. അടുത്ത കുറച്ച് ദിവസങ്ങളിൽ ട്രാൻസ്-കാനഡ ഹൈവേ വഴി യാത്ര ചെയ്യുന്നവർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. ഗോൾഡന് സമീപമുള്ള യോഹോ നാഷണൽ പാർക്ക് മേഖലയിൽ ബുധനാഴ്ച ഏകദേശം 40 സെന്റീമീറ്റർ മഞ്ഞുവീഴ്ചയാണ് ഉണ്ടായത്.
അതേസമയം, ബുധനാഴ്ച വൈകുന്നേരം മഞ്ഞുമൂടിയ റോഡിൽ സെമി ട്രക്ക് അപകടത്തിൽപ്പെട്ടതിനെ തുടർന്ന് ഗോൾഡനിൽ നിന്നും കിലോമീറ്ററുകൾ ഹൈവേ അടച്ചിട്ടിരുന്നു. സ്പൂണ് ഔട്ട് ട്രക്കിൽ ട്രക്കും മറ്റൊരു വാഹനവും ഇടിച്ചാണ് അപകടമുണ്ടായത്. ആർക്കും പരുക്കേറ്റിട്ടില്ല.
