കെബെക്ക് സിറ്റി : പ്രവിശ്യാ സർക്കാരുമായി ഉണ്ടാക്കിയ താൽക്കാലിക കരാറിനെ അനുകൂലിച്ച് കെബെക്ക് ഫാമിലി ഡോക്ടർമാർ. ഡിസംബർ 11-ന് പ്രവിശ്യാ സർക്കാർ നിർദ്ദേശിച്ച പുതിയ താൽക്കാലിക കരാറിന് അനുകൂലമായി കെബെക്ക് ഫെഡറേഷൻ ഓഫ് ജനറൽ പ്രാക്ടീഷണേഴ്സ് (FMOQ) അംഗങ്ങളിൽ 97% പേരും വോട്ട് ചെയ്തു. ഡോക്ടർമാർ ശക്തമായി എതിർത്ത ബിൽ 2 ലെ നിരവധി ഘടകങ്ങൾ നീക്കം ചെയ്യുമെന്ന് താൽക്കാലിക കരാറിൽ വ്യവസ്ഥ ചെയ്തിട്ടുണ്ട്.
2027 ആകുമ്പോഴേക്കും മുഴുവൻ ജനങ്ങളെയും ആരോഗ്യ സംരക്ഷണ സംവിധാനവുമായി ബന്ധിപ്പിക്കുക എന്ന ലക്ഷ്യവും സർക്കാർ ഉപേക്ഷിക്കുകയാണ്. പകരം, 2026 ജൂണോടെ 500,000 പുതിയ രോഗികളെ (180,000 ദുർബലരായ രോഗികൾ ഉൾപ്പെടെ) സ്വമേധയാ ചേർക്കാനാണ് പദ്ധതിയിടുന്നത്. ബിൽ 2 പ്രാബല്യത്തിൽ വരുന്നത് 2026 ഫെബ്രുവരി 28 വരെ നീട്ടിവെക്കുന്നതിനായുള്ള ബിൽ കഴിഞ്ഞ വെള്ളിയാഴ്ച കോളിഷൻ അവെനിർ കെബെക്ക് (CAQ) അംഗീകരിച്ചു.
