റെജൈന : ഇൻഫർമേഷൻ ആൻഡ് കമ്മ്യൂണിക്കേഷൻസ് ടെക്നോളജി (ഐസിടി) ഡിപ്പാർട്ട്മെന്റിന്റെ ഘടനയും പ്രവർത്തനങ്ങളും പുനഃപരിശോധിച്ചതിന് പിന്നാലെ ഏഴ് തസ്തികകൾ ഒഴിവാക്കി യൂണിവേഴ്സിറ്റി ഓഫ് സസ്കാച്വാൻ. തീരുമാനം എളുപ്പത്തിൽ എടുത്തതല്ലെന്നും, ഉത്തരവാദിത്തപരവും സാമ്പത്തികപരമായി സ്ഥിരതയുള്ള പ്രവർത്തനം ഉറപ്പാക്കുന്നതിനായാണ് നടപടിയെന്നും സർവകലാശാല അധികൃതർ പറഞ്ഞു.
ഐസിടി വിഭാഗത്തിന്റെ നിലവിലെ പ്രവർത്തന ആവശ്യകതകളും സാമ്പത്തിക സ്ഥിരതാ പദ്ധതികളും പരിഗണിച്ചാണ് പിരിച്ചുവിടൽ നടപടികൾ സ്വീകരിച്ചതെന്ന് സർവകലാശാല വ്യക്തമാക്കി. ബാധിതരായ ജീവനക്കാർക്ക് ട്രാൻസിഷൻ പിന്തുണകൾ നൽകുന്നുണ്ടെന്നും അറിയിച്ചു. സ്വകാര്യതാ കാരണങ്ങളാൽ കൂടുതൽ വിവരങ്ങൾ നൽകാൻ സാധിക്കില്ലെന്നും സർവകലാശാല കൂട്ടിച്ചേർത്തു.
