കിച്ചനർ: വാട്ടർലൂ മേഖലയിൽ ചൊവ്വാഴ്ച രാത്രി മുതൽ ബുധനാഴ്ച പുലർച്ചെ വരെ പെയ്ത കനത്ത മഞ്ഞുവീഴ്ച ജനജീവിതത്തെ സാരമായി ബാധിച്ചു. ഏകദേശം 5 മുതൽ 10 സെന്റിമീറ്റർ വരെ മഞ്ഞാണ് മേഖലയിൽ ഉണ്ടായത്. മഞ്ഞുവീഴ്ചയെത്തുടർന്ന് ബുധനാഴ്ച പുലർച്ചെ പുറപ്പെടുവിച്ച പ്രത്യേക കാലാവസ്ഥാ മുന്നറിയിപ്പ് പിൻവലിച്ചെങ്കിലും, റോഡുകളിൽ നിന്നും മറ്റും മഞ്ഞ് നീക്കം ചെയ്യുന്ന പ്രവൃത്തികൾ ഇപ്പോഴും തുടരുകയാണ്.
റോഡുകൾ വൃത്തിയാക്കുന്നതിന്റെ ഭാഗമായി കിച്ചനർ, കേംബ്രിഡ്ജ് നഗരങ്ങളിൽ ‘സ്നോ ഇവന്റ്’ പ്രഖ്യാപിക്കുകയും വാഹനങ്ങൾ പാർക്ക് ചെയ്യുന്നതിന് നിരോധനം ഏർപ്പെടുത്തുകയും ചെയ്തിട്ടുണ്ട്. ബുധനാഴ്ച ഉച്ചകഴിഞ്ഞ് 5 സെന്റിമീറ്റർ കൂടി മഞ്ഞ് വീഴാൻ സാധ്യതയുണ്ടെന്ന് എൻവയൺമെന്റ് കാനഡ അറിയിച്ചു. രാത്രിയിൽ കഠിനമായ തണുപ്പ് അനുഭവപ്പെടുമെന്നും താപനില മൈനസ് 19 ഡിഗ്രി സെൽഷ്യസ് വരെ താഴാൻ സാധ്യതയുണ്ടെന്നും കാലാവസ്ഥാ ഏജൻസി മുന്നറിയിപ്പ് നൽകി. എന്നാൽ വെള്ളിയാഴ്ചയോടെ കാലാവസ്ഥയിൽ മാറ്റമുണ്ടാകുമെന്നും തെളിഞ്ഞ ആകാശത്തോടൊപ്പം താപനില 6 ഡിഗ്രി സെൽഷ്യസ് വരെ ഉയരുമെന്നും പ്രതീക്ഷിക്കുന്നു.
