ലാ പാസ് : ബൊളീവിയൻ വ്യോമസേന ഹെർക്കുലീസ് വിമാനം തകർന്നുവീണ് 15 പേർ കൊല്ലപ്പെടുകയും 30 പേർക്ക് പരിക്കേൽക്കുകയും ചെയ്തതായി റിപ്പോർട്ട്. തലസ്ഥാനമായ നഗരമായ ലാ പാസിനടുത്തുള്ള എൽ ആൾട്ടോയിലെ തിരക്കേറിയ അവന്യൂവിൽ പ്രതികൂല കാലാവസ്ഥയ്ക്കിടെ സൈനിക വിമാനം തകർന്നുവീഴുകയായിരുന്നു. സൈനിക വിമാനം റോഡരികിലെ വാഹനങ്ങൾ ഇടിച്ചുകയറി വ്യാപകമായ നാശനഷ്ടങ്ങൾ സംഭവിച്ചു. അപകടസമയത്ത് വിമാനം പുതുതായി അച്ചടിച്ച നോട്ടുകൾ രാജ്യത്തിന്റെ ഉൾപ്രദേശങ്ങളിലേക്ക് കൊണ്ടുപോകുകയായിരുന്നുവെന്ന് റോയിട്ടേഴ്സ് റിപ്പോർട്ട് ചെയ്തു.
അപകടത്തെത്തുടർന്ന് എൽ ആൾട്ടോ അന്താരാഷ്ട്ര വിമാനത്താവളം താൽക്കാലികമായി അടച്ചു. അപകടത്തിൽപ്പെട്ട വിമാനം തങ്ങളുടെ വിമാനക്കമ്പനിയിൽ പെട്ടതല്ലെന്ന് ബൊളീവിയയുടെ ദേശീയ വിമാനക്കമ്പനിയായ ബൊളീവിയാന ഡി അവിയാസിയോൺ പ്രസ്താവനയിൽ പറഞ്ഞു.
