ടൊറൻ്റോ : ബ്ലർ-ഡാൻഫോർത്ത് ലൈനിലെ ട്രാക്കിൽ അപകടമുണ്ടായതിനെ തുടർന്ന് വ്യാഴാഴ്ച രാവിലെ ലൈൻ 2 സബ്വേയിലെ എട്ട് സ്റ്റേഷനുകൾക്കിടയിലുള്ള സർവീസുകൾ താൽക്കാലികമായി നിർത്തിവെച്ചു. ജെയ്ൻ സ്റ്റേഷൻ മുതൽ ഓസിങ്ടൺ സ്റ്റേഷൻ വരെയുള്ള ഭാഗത്താണ് ട്രെയിൻ ഗതാഗതം തടസ്സപ്പെട്ടതെന്ന് ടിടിസി (TTC) അറിയിച്ചു. യാത്രക്കാരെ സഹായിക്കുന്നതിനായി നിലവിൽ ഈ സ്റ്റേഷനുകൾക്കിടയിൽ ഷട്ടിൽ ബസ് സർവീസുകൾ ഏർപ്പെടുത്തിയിട്ടുണ്ട്.
സർവീസ് എപ്പോൾ പുനഃസ്ഥാപിക്കുമെന്ന് അധികൃതർ ഇതുവരെ വ്യക്തമാക്കിയിട്ടില്ല. സബ്വേ തടസ്സപ്പെട്ട സാഹചര്യത്തിൽ യാത്രക്കാർക്ക് സാധാരണ ടി.ടി.സി നിരക്കിൽ തന്നെ കിപ്ലിങ്, ഡണ്ടാസ് വെസ്റ്റ്, യൂണിയൻ, മിമിക്കോ സ്റ്റേഷനുകളിൽ നിന്ന് ഗോ ട്രാൻസിറ്റ് (GO Transit) സർവീസ് പ്രയോജനപ്പെടുത്താമെന്ന് അധികൃതർ അറിയിച്ചു.
