കൊച്ചി: മാസപ്പടി അഴിമതി ആരോപണങ്ങളില് മുന് മുഖ്യമന്ത്രി പിണറായി വിജയനും മന്ത്രി മുഹമ്മദ് റിയാസിനുമെതിരെ പ്രാഥമിക അന്വേഷണം നടത്താതെ നേരിട്ട് എഫ്ഐആര് രജിസ്റ്റര് ചെയ്ത് കേസെടുക്കാനാകില്ലെന്ന് സംസ്ഥാന സര്ക്കാര് ഹൈക്കോടതിയില്. എന്ഫോഴ്സ്മെന്റ് ഡയറക്ടറേറ്റ് (ഇഡി) കൈമാറിയ വിവരങ്ങളുടെ അടിസ്ഥാനത്തില് കേസെടുത്തില്ലെന്ന് ചൂണ്ടിക്കാട്ടി അഭിഭാഷകന് കെ.എം. ഷാജഹാന് സമര്പ്പിച്ച ഹര്ജി പരിഗണിക്കവെയാണ് സര്ക്കാര് നിലപാട് അറിയിച്ചത്.
ഒരു ഡയറിയിലെ വിവരങ്ങളുടെ മാത്രം അടിസ്ഥാനത്തില് എഫ്ഐആര് രജിസ്റ്റര് ചെയ്യാനാകില്ലെന്ന് അഡ്വക്കേറ്റ് ജനറല് കോടതിയില് വാദിച്ചു. കേസെടുക്കാന് ആവശ്യമായ മൊഴികളും മറ്റ് വിവരങ്ങളും ഇഡി ലഭ്യമാക്കിയിട്ടുണ്ടെന്ന് വാദിച്ചെങ്കിലും, ഇക്കാര്യം സര്ക്കാര് കോടതിയുടെ ശ്രദ്ധയില്പ്പെടുത്തി.
മാസപ്പടി കേസില് കേസെടുക്കണമെന്ന് ശുപാര്ശ ചെയ്ത് ഇഡി നല്കിയ കത്തും ഹൈക്കോടതിക്ക് കൈമാറിയിട്ടുണ്ട്. ഇതിന്റെ അടിസ്ഥാനത്തില് തുടര്നടപടികള് സംബന്ധിച്ച വാദം കോടതിയില് തുടരുകയാണ്.
