കാനഡയിൽ 10,000-ത്തിലധികം പേരെ ഉൾപ്പെടുത്തി നടത്തിയ പുതിയ സർവേയിൽ 51 ശതമാനം പേർ അമേരിക്കയെ ‘എതിരാളി’ അല്ലെങ്കിൽ ‘ഭീഷണി’യായി കാണുന്നതായി കണ്ടെത്തൽ. 2022-ൽ യുഎസിനെ ഈ രീതിയിൽ കണ്ടിരുന്നത് 23 ശതമാനം പേരായിരുന്നു. കഴിഞ്ഞ ഏതാനും വർഷങ്ങളിലുണ്ടായ മാറ്റം കാനഡ-യുഎസ് ബന്ധത്തിലെ പൊതുജന മനോഭാവത്തിലെ വലിയ വ്യത്യാസമാണ് സൂചിപ്പിക്കുന്നത്.
സർവേയിൽ പങ്കെടുത്ത 45 ശതമാനം കനേഡിയൻമാരും കഴിഞ്ഞ ഒരു വർഷത്തിനിടെ രാജ്യത്തിന്റെ സാമ്പത്തിക സ്ഥിതി മോശമായതായി അഭിപ്രായപ്പെട്ടു. അമേരിക്കയുമായുള്ള വ്യാപാര തർക്കം കാനഡ നേരിടുന്ന പ്രധാന സാമ്പത്തിക വെല്ലുവിളികളിലൊന്നായി പലരും ചൂണ്ടിക്കാട്ടിയതായും റിപ്പോർട്ടുകൾ വ്യക്തമാക്കുന്നു.
അതേസമയം, യുകെ, ഓസ്ട്രേലിയ, ഫ്രാൻസ് തുടങ്ങിയ രാജ്യങ്ങളോട് കനേഡിയൻമാർക്ക് താരതമ്യേന സൗഹൃദപരമായ സമീപനമാണ് സർവേയിൽ പ്രതിഫലിച്ചത്. യുഎസിനെക്കുറിച്ചുള്ള സമീപനത്തിലെ മാറ്റം ഇരു രാജ്യങ്ങളും തമ്മിലുള്ള വ്യാപാര-രാഷ്ട്രീയ തർക്കങ്ങൾ പൊതുജനാഭിപ്രായത്തെ എത്രത്തോളം സ്വാധീനിച്ചുവെന്നതിനെക്കുറിച്ചുള്ള ചർച്ചകൾക്കും വഴിയൊരുക്കിയിട്ടുണ്ട്.
