ഫേസ്ബുക്ക് പരസ്യത്തിൽ ചില ഉപയോക്താക്കളുടെ ചിത്രങ്ങൾ ഉപയോഗിച്ചതിന് കനേഡിയൻ പ്രവിശ്യകളിലെ ക്ലാസ്-ആക്ഷൻ വ്യവഹാരം തീർപ്പാക്കാൻ മെറ്റ 51 മില്യൺ ഡോളർ വാഗ്ദാനം ചെയ്തു.
ഫേസ്ബുക്കിന്റെ സ്‌പോൺസേഡ് സ്‌റ്റോറികൾ എന്ന പരസ്യ പരിപാടിയിൽ തന്റെയും മറ്റുള്ളവരുടെയും ചിത്രം തങ്ങളുടെ അനുമതിയില്ലാതെ ഉപയോഗിച്ചുവെന്ന് അവകാശപ്പെട്ട് ബ്രിട്ടീഷ്കൊളംബിയയിലെ ഒരു യുവതി നൽകിയ കേസിലാണ് നിയമനടപടി.
സസ്കാച്വാൻ, മാനിറ്റോബ, ന്യൂഫിൻലൻഡ് ആൻഡ് ലാബ്രഡോർ, ബ്രിട്ടിഷ് കൊളംബിയ എന്നിവിടങ്ങളിലെ ആൾക്കാരുടെ ചിത്രങ്ങളാണ് പരസ്യത്തിൽ ഉപയോഗിച്ചത്. സ്‌പോൺസർ ചെയ്‌ത സ്‌റ്റോറികൾ 2011 ജനുവരി മുതൽ 2014 മെയ് വരെ നടന്നു. പ്രോഗ്രാമിന് കീഴിലുള്ള ഒരു ഉൽപ്പന്നം ലൈക്ക് ചെയ്‌താൽ അവരുടെ പേരും പ്രൊഫൈൽ ഫോട്ടോയും ഉപയോഗിച്ച് ഫേസ്ബുക് ഒരു ന്യൂസ് ഫീഡ് എൻഡോഴ്‌സ്‌മെന്റ് വരും. എന്നാൽ അവരുടെ ചിത്രം ഉപയോഗിക്കുന്നുണ്ടെന്ന് അവരോട് പറഞ്ഞില്ല.
